helst í fréttum.....

12 einfaldar reglur

2006-05-09T20:43:00.000Z

.....líklega eru þetta reglur til okkar kvennanna.......

1.
Frá 9. júní til 9. júlí 2006 skaltu fylgjast vel með fréttum varðandi HM svo þú vitir hvað er að gerast á lokakeppninni í Þýskalandi. Þá getum við talað lítilega saman á meðan á lokakeppninni stendur þar sem ég mun ekki ræða um neitt annað en FÓTBOLTA.

2.
Á meðan á lokakeppni HM stendur er sjónvarpið mitt – alltaf og án allra undantekninga.

3.
Það er allt í lagi ef þú þarft að komast framhjá sjónlínu minni að sjónvarpinu svo lengi sem þú skríður eftir gólfinu og truflar mig ekki. Ef þér skildi detta í hug að standa nakin fyrir framan sjónvarpið farðu þá strax aftur í fötin þar sem ég mun ekki hafa tíma til að fara með þig til læknis fáir þú kvef.

4.
Á meðan á leik stendur verð ég heyrnalaus, mállaus og blindur gagnvart þér – nema ef til þess kemur að ég þurfi nýjan bjór eða eitthvað að borða.

5.
Það er góð hugmynd fyrir þig að hafa alltaf alla vega tvær kippur af bjór vel kældar inni í ísskáp og nóg af snakki. Ef þú hagar þér vel fyrir framan vini mína máttu horfa á sjónvarpið frá klukkan 12 á miðnætti til 6 um morguninn ef það eru ekki neinar endursýningar á þeim tíma.

6.
Ef þú sérð að ég er reiður eða pirraður þegar liðið mitt er að tapa viltu þá EKKI segja “þú jafnar þig – þetta er bara leikur” eða “ekki hafa áhyggur – þeir vinna kannski næst.” Ef þú segir þetta verð ég bara reiðari eða pirraðari. Mundu ávallt að þú munt aldrei vita meira um fótbolta en ég og svona setningar verða bara til þess að við skiljum fyrr.

7.
Þú mátt horfa á EINN leik með mér og þú mátt tala við mig í hálfleik, en bara þegar auglýsingarnar eru og bara ef staðan er góð. Taktu líka eftir að ég sagði EINN leik, ekki reyna að nota lokakeppni HM sem einhverja hörmulega tilraun til að “eyða tíma saman”.

8.
Endursýningar á mörkum eru mjög mikilvægar. Mér er alveg sama hvort ég hafi séð markið áður eða ekki, ég vil sjá það oft og mörgum sinnum í viðbót.

9.
Segðu vinkonum þínum að eignast ekki börn á þessum tíma, ekki halda nein barnaafmæli eða aðrar fáránlegar veislur vegna þess að:
a) ég mun ekki mæta
b) ég mun ekki mæta og
c) ég mun ekki mæta

10.
En athugaðu, ef vinur minn bíður mér í heimsókn til að horfa á leik er ég rokinn.

11.
Markaþættirnir í lok dagsins eru alveg jafn mikilvægir og leikirnir sjálfir. Ekki detta í hug að láta út úr þér setningu eins og “en þú hefur séð þetta áður” eða “af hverju skiptir þú ekki um stöð?” Lestu aftur reglu númer 2.

12.
Og að lokum, sparaðu þér setningu eins og “Guðs sé lof af lokakeppni HM er bara á 4 ára fresti”. Ég heyri ekki þessa setningu enda tekur Meistaradeildin, Enski boltinn, Ítalski boltinn, Spænski boltinn og fleira við.

Takk fyrir að virða reglurnar.

Karlmenn um heim allan!

Frí, frí, frí, frí

2006-05-02T14:56:00.000Z

jebbb.....í dag mun þessi síða fara í frí, hve langt veit enginn.

Aldrei að vita að ég snúi til baka einn góðann veðurdag.

Er ekki ágætt að hætt á toppnum?

Takk fyrir mig lifið heil

Kveðja
Katla

Ykkur er velkomið að senda mér póst eða hringja í mig ef þið viljið fá fréttir af drottningunni:) Ég vil amk frétta af ykkur!!

Blogg hvað?

2006-04-26T22:59:00.000Z

Já það er langt síðan síðasta blogg var skrifað. Margt hefur nú drifið á daga mína get ég sko sagt ykkur eða ekki:)
Austurferð yfir páskana.
Ferming hjá Jóhanni Atla á Djúpavogi og Bryndísi á Fáskrúðsfirði harkaði einnig af mér tvær messur.
Á Páskadag eftir Páskamorgunkaffi og páskaeggjaát hjá Guðnýju og Hafliða, var farið örstutt í skírnarveislu til Krsítnar Daggar dóttur sem fékk líka þetta stóra og mikla nafn Ísabella Auður Nótt.
Annars var étið og étið og étið enþá meira um þessa páska. Nú er verið að vinna í því að ná því af sér sem maður át á sig um páskana.....hehehe
Málshátturinn sem ég fékk þetta árið hljóðaði svo: "Ekki er hægt að selja kúna og drekka úr henni mjólkina"

Annars er sama gamla sagan vinna við að soga slef og vinna við að snyrta kellingar. Út á það gengur lífið hjá mér, ekki slæmt það. Svo er ég búin að fara nokkrar hjólaferðar, testa línuskautana, ganga Esjuna og nýta mér aðstöðu mína í Baðhúsinu.

Nokkrir "útlendingar" eru hér á landi þessa dagana, Pétur, Þórunn, Guðbjörg og með henni í för er að sjálfsögðu prinsessan Lilja Ósk. Reynir maður að líta þetta fallega og skemmtilega fólk augum.

Í lokin læt ég fylgja með blogg sem ég bloggaði 25. apríl 2005.

mánudagur, apríl 25, 2005
Það er komið sumar
Já, það má nú segja að sumarið sé komið. Það var fjölmennt í grilli hérna í Arahólum á Sumardaginn fyrsta og var grillað lamb og svín. Það borðuðu allir yfir sig og eru örugglega saddir en í dag.
Ég og Jón höfum bara verið að “chilla” síðustu daga reyna að njóta góða veðursins. Það er EKKI gaman að vera svona fatlaður í góða veðrinu því ekki getur maður farið að hjóla,ekki sund, ekki á línuskauta en maður getur þó labbað mjög stuttar vegalengdir. Hitt verður bara að bíða betri tíma.
Gær fórum við í heimsókn í Hofslundinn, þær ætluðum við að fá lánaðar klippur til að klippa í garðinum okkar. En það vildi svo heppilega til að húsbóndinn ætlar bara að hjálpa Jóni við verkið og koma með kerru og allt til verksins.
Við fáum íbúðina afhenta 1.maí.Við erum búin að fá leigjendur í íbúðina okkar og vonum við bara að við höfum valið rétt fólk.
Áslaug keyrði mig í myndatöku í morgun. Ég skundaði inn í Domus Medica á 2 hækjum á mitt járnstykki í vinstri fæti og í afgreiðslunni stóð “elskuleg” kona við að afgreiða. Enginn stendur við afgreiðsluborðið þegar við komum inn en samt spyr þessi “elska” “hver er næstur” tja hver ætli sé næstur??? Jú það var ég. Þessi “elska” hafði ekki fyrir því að segja góðan daginn. Ég var með beiðni með mér frá Þorvaldi og rétti þessari “elsku” hana. Ég viðurkenni að beiðnin var ekki vel skrifuð en þessi “elska” stappaði niður fótunum og segir “hvað á að mynda? Vinstra LUNGA?” Ég horfði á Áslaugu og hugsaði hvort þessi “elska” væri ekki að grínast. Ákv að segja ekki orð. Svo æddi þessi “elska” eitthvert inn til að spyrja einhverjar konur hvort þær gætu lesið þetta. Ég sagði svo við hana að það ætti að mynda vinstri lærlegg (femor) og læknirinn væri Þorvaldur Ingvarsson.
Svo var komið að því að borga. Ég var búin að setja á borðið kortið mitt og afsláttarkortið. Þessi “elska” spyr ertu með afsláttar kort?? Jú, það var beint fyrir framan nefið á henni. Þá segir þessi “elska” við hina afgreiðslu dömuna það er enginn afsláttur gefinn með þessu korti er það?? Ekki vara það alveg rétt hjá “elskunni” og ég fékk að borga 820 í staðin fyrir 2000 og eitthvað.
Vildi bara deila þessu með þér lesandi góður. Þar sem ég hef farið ca 8 sinnum í myndatöku í Domus á síðustu vikum er alltaf eitthvað sem kemur manni skemmtilega á óvart. Að aldrinum að dæma getur breytingarskeiðið verið að fara svona illa í “elskuna” eða eitthvað allt annað......amk var þjónustulundinn ekki til staðar í dag.

Nóg komið í bili
Kveðja Katla

ERTU NÚ ÁNÆGÐ SOFFÍA SIGRÍÐUR JÓNASDÓTTIR????????????

Gelðilega páska

2006-04-11T18:15:00.000Z

Vonandi fá allir páskaegg. Ég keypti mér Hrísegg frá Freyju:) Mikil tilhlökkun hjá minni. Hafið það sem allra best yfir páskana. Munið að bursta vel eftir allt súkkulaði átið.

Páskakanínurnar sem búa á Fossárdal

Afmæli og speki

2006-04-02T12:04:00.000Z

Ekki má gleyma afmælisbarni dagsins en það er enginn annar og ekki minni maður en Elís Pétur Elísson. Hann er loks komin í hóp hinna fullorðnu (25).
Heyrði því fleygt að þessu tilefni muni hann bjóða öllu fallega og fræga fólkinu sem hann þekkir hér á Frónni í skemmtisiglingu um Karabískahafið:) Er þetta ekki rétt Pétur? Ég er amk búin að pakka niður og er að koooooooooooooooma í partý.
Annars hafðið það sem allra best.

Svartfugla veiðar vor/sumar 2004 á Faxflóa.

Þessa speki heyrði ég um helgina þegar tvær konur hittust.

"Nei, sæl elskan ÉG HEF BARA EKKERT SÉÐ ÞIG SÍÐAN SÍÐAST"???????????

Upprennandi evrovisionstjarna

2006-03-29T21:59:00.000Z

7 ára snillingur

Hver vinnur EF hún vinnur ekki?

2006-03-25T00:06:00.000Z

Smelltu hér til að hlusta á mesta og besta snilling Íslands!!

Páll Óskar hvað???

LONDON

2006-03-21T22:54:00.000Z

Ætla að byrja á því að óska Soffíu til hamingju með AFMÆLIÐ Í DAG:)

Dvöl okkar í London var í alla staði skemmtileg þó að kuldaboli hafi látið vita af sér. Við skoðuðum þessar helstu byggingar, götur og markaði svo ekki sé minnst á BÚÐIRNAR. Það var mikið gengið....enda þurfti ég að endurnýja skóbúnaðinn og keypti ég einungis 2 pör af skóm.
Árshátíðin var haldin á River Plank Placa á laugardalkvöldinu (hótelið sem við vorum á).
Á sunnudag var svo farið á fótboltaleik Fullham-Chelsea. Skemmtileg upplifun að sjá þessa drengi sparka í tuðruna og ekki síst að sjá liðið eftir leikinn en Chelsea menn töpuðu þessu 1-0. Þeim er bara nær að hafa ekki Eið Smára í liðinu. Lögreglan náði varla að hafa hemil á þessu annars klikkaða liði eftir leikinn.
Mánnudagurinn var vel nýttur í búðir og skoða byggingar og brýr. Fórum einn hring í London eye.
Jón sló mér alveg við í kaupæðinu....en ég tók þátt af heilum hug:)
Komim við svo heim síðustu nótt.
Við erum ekki búin að panta næstu utanlandsferð en eru einhverjar hugmyndir?
Annars er næsta ferðalag austur á land í páskafrí. Erum búin að fá eitt boðskort í fermingu vonumst til að fá annað!!!

Hjónaleysin í LONDON EYE-hjólinu

Símahrekkur:)

2006-03-09T11:12:00.000Z

Smelltu hér til að hlusta

Á ferð og flugi

2006-03-07T00:06:00.000Z

Ég skilaði mér heim frá Glasgow þó ótrúlegt sé. Kom heim með vélinni sem lenti fyrir eldingu í kvöld (Bryndísi)Varð að koma þessu að!!
Það er ekki hægt að segja að þetta hafi verið ferð til fjár heldu ferð til eyðslu. Ég keypti sitt lítið af hverju t.d. árshátíðarkjól, Puma skó (hvað annað), svartan jakka, boli og sexy nærföt og svo má ekki gleyma Gabriel Solis gallanum (DESPERATE HOUSEWIVES)!!

Það var stutt stopp heima um síðustu helgi fór ég skreppi túr til Akureyri city þar sem farið var á árshátíð Háskólans á Akureyri dvaldi ég einsog oft áður hjá "fósturforeldrum" mínum Soffíu og Sveini. Ég var fyrir löngu búin að gefa út það loforð að mæta á einsog eina árshátíð meðan Soffía skvísa dvelur við háskólanám á hjara veraldar. Þetta var hin fínasta skemmtun.

Þetta verður róleg vinnuvika því tannlæknirinn dvelur heima hjá sér með hlaupabólu!!Vonandi á hann eftir að HLAUPA hana af sér....hehehe

Ég mun taka vakt í Baðhúsinu næsta laugardag við að snyrta kellur á öllum aldri. Þið hafið tíma til að afpanta.....

Þar næstu helgi munum við taka flugið til London. Þar mun fara fram árshátíð Skýrr-verja. Við munum einnig skella okkur á einsog einn fótboltaleik og sjá engann annan en Eið Smára (vonandi):):):) Svo ætlum við eitthvað að skoða borgina og sjá hvað hún hefur upp á að bjóða. Ætla að reyna forðast búðir einsog heitann eldinn.....veit nú ekki hvernig það á nú eftir að ganga.

Annars gegnur lífið sinn vanagang einsog vonandi hjá þér lesandi góður.

Góða nótt ykkar dásamlega

Katla

Þetta er dressið sem verslað var í Glasgow.......ómáluð og ógreidd engu að síður SMART!!???

Glasgow

2006-02-22T21:03:00.000Z

Jæja þá styttist óðum í Glasgowferðina miklu. Þar ætla ég að reyna versla frá mér allt vit:) Nei, nei það verður allt innan skynsamlegra marka.
Ég get ekki ákv. mig hverju skal pakka niður í ferðatösku......kannski er besta að fara bara ekki með neitt með sér.
Það er 7 stiga hiti og rigning í Glasgow.

Mörg afmæli eru búin að vera síðustu daga.
16. Örvar, 19. Áslaug Stefanía, 21. Hjálmar og svo Ármann í dag....til hamingju með það allir sem einn.

Um síðustu helgi var haldið smá teiti hér í þessari íbúð og farið svo á Papaball á Nasa það var hin fínasta skemmtun:)
Annars er við það sama hér........vinna, borða og sofa svo er reynt að gera eitthvað sniðugt og skemmtilegt þegar nennarinn nennir:)

Ég bið ykkur vel að lifa.....
Kveðja Katla Glasgowfari.

TIL HAMINGJU ÍSLAND

2006-02-18T22:31:00.000Z

Fæ 70 þúsund tremma mörg stig.......................

..............Mynd tekin af KÖTLU

Áfram Katla

2006-02-09T22:13:00.000Z

Jæja þá er komið gott af Silvíu Nótt, Í BILI.
Hér er mynd af afrakstrinum á glernámskeiðinu. Ég tek niður pantanir hérna í comment dálknum:)

2006-02-08T23:42:00.000Z

Smelltu hér til að horfa á SILVÍU NÓTT "tremma í hel" í Eurovision

TIL HAMINGJU ÍSLAND

2006-02-06T22:09:00.000Z

....Nú geta allir sungið með

Okei!
Hey þú, ógeðslega töff, ég er að tala við þig
Ég er Silvía Night shining in the light
Ég veit þú þráir mig

Born in Reykjavík, hæfileikarík ekkert landsbyggðarfrík
Ég veit ég vinn fokkin úrslitin, öll hin lögin hafa tapað

Til hamingju ísland með að ég fæddist hér
Ég er Silvía Nótt og þið haldið með mér,
Eurovision nation fæ sko flog er ég kem
ég er fædd til að vinn'etta, tremma í hel!
Töff töff töff

Mitt lag, ógeðslega töff ekkert nineties ógeð
Það er töff, ókey, það er ekkert gay
ég er komin hér to stay.
Og hinar tíkurnar eru bólugrafnar en ég er hreinn mey
Þið elskið mig, þið dýrkið mig en samt eitthvað svo glatað

Til hamingju ísland með að ég fæddist hér
Ég er Silvía Nótt og þið haldið með mér
Eurovision nation fæ sko flog er ég kem
ég er fædd til að vinn?etta, tremma í hel!
Je je je!

Ísland, Til hamingju Ísland, Til hamingju Ísland,Til hamingju Ísland,
Til hamingju Ísland, Til hamingju Ísland,
Til hamingju Ísland, Til hamingju Ísland.
Ring ring ring
Ring ring ring
Ring ring ring
Ring ring ring

Til hamingju ísland með að ég fæddist hér
Ég er Silvía Nótt og þið haldið með mér
Eurovision nation fæ sko flog er ég kem
ég fer til að vinn?etta, tremma í hel!

Til hamingju ísland með að ég fæddist hér
Ég er Silvía Nótt og þið haldið með mér
Eurovision nation ég fer fyrir þig
Rústa þessu dæmi fæ tremma mörg stig
Töff töff töff

ÁFRAM SILVÍA

2006-02-01T00:08:00.000Z

....og svo setja allt í botn njóttu vel.....

Smelltu hér til að hlusta

AFMÆLI!!!

2006-01-27T10:05:00.000Z

Litla sæta Guðrún Helga á afmæli í dag.
Nú er kominn upp sá tími sem maður er ekkert að gaspra hátt um aldurinn....svona til að gefa vísbendingu þá er hún ca 8 mánuðum eldri en ÉG!!

Af því tilefni ætlum við hjónaleysin að bregða ferðafótunum undir okkur og skreppa í heimsókn á Eyrabakka city.

Hér er hún á góðum degi í sumar.....það var óg... gaman hjá okkur amk að mér fannst:)

Hún þurfti auðvitað að synda (sigla) einsog aðrar gæsir á RVK-tjörninni á eðal spíttbát keyptann í Rúmfó á 990 kr:) heheheheheheh

Vissuð þið þetta?

2006-01-26T18:25:00.000Z

.....ef ekki lesið þetta þá

Settu X fyrir framan allt það sem þú hefur gert á neðangreindum lista eða fjarlægðu X-ið sem er fyrir framan það sem þú hefur ekki gert. Sendu þetta svo til vina þinna þar með talið mín. Sem sagt - fjarlægðu mín svör og settu þín í staðinn! :o) Munið að þetta á við um allt lífshlaupið - ekki bara síðustu viku! ;o)

Sendið mér á katla_bjork@hotmail.com eða bara í commentið:)

(x) reykt sígarettu
( ) klesst bíl vinar/vinkonu
( ) stolið bíl (foreldranna)
(x) verið ástfangin/n
( ) verið sagt upp af kærasta/kærustu
( ) verið rekin/n
( ) lent í slagsmálum
( ) læðst út meðan þú bjóst ennþá heima hjá foreldrunum
(x) haft tilfinningar til einhvers sem endurgalt þær ekki
( ) verið handtekin/n
( ) farið á blint stefnumót
(x) logið að vini/vinkonu
(x) skrópað í skólanum
( ) horft á einhvern deyja
( ) farið til Canada
( ) farið til Mexico
(x) ferðast í flugvél
( ) kveikt í þér viljandi
(x) borðað sushi
( ) farið á sjóskíði
(x ) farið á skíði (sem sagt í snjó)
() hitt einhvern sem þú kynntist á internetinu
(x) farið á tónleika
(x) tekið verkjalyf
(x) elskar einhvern eða saknar einhvers akkurat núna
(x) legið á bakinu úti og horft á skýin
(x) búið til snjóengil
(x) haldið kaffiboð
(x) flogið flugdreka
( ) byggt sandkastala
(x) hoppað í pollum
(x) farið í "tískuleik" (dress up)
( ) hoppað í laufblaðahrúgu
(x) rennt þér á sleða
(x) svindlað í leik
(x) verið einmana
(x) sofnað í vinnunni/skólanum
(x) notað falsað skilríki
(x) horft á sólarlagið
(x) fundið jarðskjálfta
( ) sofið undir berum himni
(x) verið kitluð/kitlaður
( ) verið rænd/rændur
(x) verið misskilin/n
(x ) klappað hreindýri/geit/kengúru
(x) farið yfir á rauðu ljósi/virt stöðvunaskyldu að vettugi
( ) verið rekin/n eða vísað úr skóla
(x) lent í bílslysi
(x) verið með spangir/góm
(x) liðið eins og þú passaðir ekki inn í/þriðja hjól undir vagni
() borðað líter af ís á einu kvöldi
(x) fengið deja vu
(x) fengið deja vu - vá held við höfum öll fengið það núna!!
(x) dansað í tunglskininu
(x ) fundist þú líta vel út
(x) verið vitni að glæp
(x) efast um að hjartað segði þér rétt til
( ) verið gagntekin/n af post-it miðum (þið vitið - þessum gulu)
() leikið þér berfætt/ur í drullunni
(x) verið týnd/ur
( ) synt í sjónum
(x) fundist þú vera að deyja
(x) grátið þig í svefn
(x) farið í löggu og bófa leik
( ) litað nýlega með vaxlitum
( ) sungið í karaókí
( ) borgað fyrir máltíð eingöngu með smápeningum (við erum að tala um krónur, fimmkalla og tíkalla hérna)
(x) gert eitthvað sem þú lofaðir sjálfri/sjálfum þér að gera ekki
(x) hringt símahrekk
(x) hlegið þannig að gosið frussaðist út um nefið á þér
(x) stungið út tungunni til að ná snjókorni
(x) dansað í rigningunni
( ) skrifað bréf til jólasveinsins
( ) verið kysst/ur undir mistilteini
(x) horft á sólarupprásina með einhverjum sem þér þykir vænt um
(x) blásið sápukúlur
( ) kveikt bál á ströndinni
( ) komið óboðin/n í partý
( ) verið beðin/n um að yfirgefa partýið sem þú komst óboðin/n í
(x) farið á rúlluskauta/línuskauta
(x) hefur einhver óska þinna ræst
( ) farið í fallhlífastökk
( ) hefur einhver haldið óvænt boð fyrir þig
(x) pissað úti

Seint er betra en aldrei!!

2006-01-22T10:17:00.000Z

Ég tek eitthvað af þessi til baka sem ég skrifaði síðast. Núna er varla stætt úti á bílastæðum vegna hálku:( Það finnst mér EKKI gott.

Ég er búin að fara á eitt kvöld af fjörum í glerbræðslunni. Þetta er mjög skemmtilegt. Í næsta tíma fáum við að gera einhverja hluti. Ég er alveg búin að ákv hvað ég ætla að gera bíð bara spennt að fá að gera þetta allt!!

Fengum sent með flugi á fimmtudag eitt stykki fósturbarn að nafni Jóhann Atli. Hann er nokkuð sjálfbjarga búin að þræða helstu verslunarmiðstöðvar Reykjavíkur og nágrannabyggða. Búin að láta klippa sig, fórum í keilu þar sem ég vann ekki og var EKKI í síðasta sæti, geri aðrir betur og svo ekki síðast né síst fórum með hann á hans uppáhladsstað American style!!!
En við vorum ekki lengi að koma honum annað í fóstur og dvelur hann þessa stundina í Hafnarfirði!!!

Ég var að vinna í Baðhúsinu í gær og fór eftir vinnu upp í tækjasal eitthvað að reyna sprekla.

Eftir það var ferðinni heitið í heimsókn til AFMÆLISBARNSINS en það var enginnn annar er Kristján Björnnsson hann er nú loks orðin töttöguogfemm (21. jan)!!
Fengum dýryndis tertur og fínt (þar fór sprekklið fyrir lítið).

Dagskrá dagsins í dag hljómar á þá leið að ég er að fara mála eitt stykki geymslu í Krummahólum. Gaman gaman..........

bææææææææææææ

Læt fylgja hérna með einn brandari sem ég fékk í maili frá Lovísu

Eiginkona manns nokkurs var heldur dauf og
löt til kynlífsins, eiginlega
bara algjörlega áhugalaus,
en mannauminginn var náttúrulega eins og allir aðrir
karlmenn ávallt hjól gLaður eða þannig .
En konan var eins og hún var, og lítið við þvi að gera.
En manninum datt þó í hug eitt laugardagskvöldið að elda frábæran mat og
hafa gott vín með og höfðu hjónakornin það bara
huggulegt fram eftir kvöldi
og þegar þau fóru í háttinn og
komin upp í ,
þá leggst maðurinn þétt að sinni
heittelskuðu og
hvíslaði í eyra hennar:
"Heldurðu að það sé einhver
möguleiki fyrir
Íþróttaálfinn að fara í Latabæ núna."

Vetur á Íslandi

2006-01-15T11:25:00.000Z

Svona á þetta að vera snjór, kuldi og logn:)
Ég ætla samt að láta allar vetraríþróttir eiga sig þennan veturinn.....

EITT ÁR......

2006-01-11T23:36:00.000Z

...er í dag síðan að fóturinn var sagaður í sundur á FSA. Já, þetta er fljótt að líða:)
Kveðja Katla

Árið líður......

2006-01-10T00:48:00.000Z

....og líður áfram. Ég hef ekkert að segja nema allt ljómandi ljómandi gott.

Skellti einni jólmynd af barnastóðinu sem var á Starmýri um jólin 2005:) Sumir eru með myndavélabrosið á hreinu!!!

Litið um öxl

2006-01-04T22:12:00.000Z

Hvað er eftirminnilegast frá árinu 2005??

Skemmtileg ferð á Þingvelli 2 janúar í fallegu veðri

Aðgerðin 11. janúar sem sett lit sinn á allt árið:)

Fjárfestum í okkar fyrstu íbúð, sem við flytjum brátt í!!:)

Ná fullri lengd á fætinum í lok maí

Eignaðist golótta kind í fjárhúsunum á Fossárdal hún fékk nafnið Sandfjóla.

STAÐFESTI ÞAÐ MEÐ MEISTARABRÉFI AÐ ÉG ER MEISTARI MEISTARANNA!!

Skemmtilegt og rólegt sumarfrí austur á landi júlí/ágúst. Þar sem var t.d. prjónað úti í sólinni, veiddir silungar í kg vís o.fl.

Sumarbústaðadvöl í ágúst

25 ára afmælið í september

LOSNAÐI VIÐ JÁRNADRASLIÐ 31 OKTÓBER !!!GLEÐI GLEÐI, geta klæðst loksins gallabuxum!!

Byrjaði að vinna í okt/nóv á tannlæknastofunni með nýju og skemmtilegu fólki!!

Svo lauk ég árinu með því að eignast bílinn minn að fullu!!

..............svo framundan er bara margt skemmtilegt og nóg að gera!
Námskeið í glerbræðslu
Glasgow og London verða heimsótt fljótlega
2 fermingar um páskana
Gott sumarfrí
...........svo bara lifa lífinu á tveim jafnlöngum:)

Svo að lokum kemur röntgenmynd sem var tekin í byrjun des.

2006

2006-01-01T00:09:00.000Z

GLEÐILEGT NÝTT ÁR OG TAKK FYRIR SAMVERUNA Á ÁRINU 2005 OG VONA AÐ ÁRIÐ 2006 VERÐI EN SKEMMTILEGRA

Stjörnuspá 2006

2005-12-31T16:24:00.000Z

VOGIN

Nýja árið hefst á afar jákvæðum nótum og ég mun leika við hvern minn fingur. Þetta smitar út frá sér og í kringum mig ríkir mikil gleði. Þegar líður á vorið hlotnast mér síðan verðmæt gjöf sem á eftir að lýsa upp líf mitt á næstu árum. Gjöfin birtist ekki endilega innpökkuð og með slaufu. Líklegra er að þetta sé happafengur af þeirri gerð sem fólk fær ekki í gjafaumbúðum.
Í sumar verð ég fyrir vonbrigðum þegar hurð skellur í lás og eitthvert mál, sem ég batt vonir við, virðast endanlega úr sögunni. Þetta kemur af stað mikilli tilfinningabólgu innra með mér. En ég á erfitt með að deila líðan minni með öðrum. Á tímabili verð ég svolítið einmanna og einangruð.
En góðu fréttirnar eru ekki búnar. Þegar líður á árið 2006 vænkast fjárhagur minn óvænt. Þá get ég farið að borga gamlar skuldir og framkvæmt ýmislegt sem áður sat á hakanum vegna fjárskorts. Eini vandinn í tengslum við þetta er öfundsýki sem blossar upp meðal fólks sem sjálft líður þó engan skort.

Gleðileg jól allir......

2005-12-24T14:53:00.000Z

Ég óska þér lesandi góður gleðilegra jóla og takk fyrir heimsóknirnar hingað á síðuna á árinu.
Vona að þessar heimsóknir hafi verið þér gleðilegar og skemmtilegar.

Vertu ávalt velkomin í heimsókn hingað.

Bestu jóla og nýárskveðjur
Katla Björk

Hreyndýrin sem voru heimalingar á Fossárdal fyrir slatta mörgum árum.

Búin......

2005-12-18T02:49:00.000Z

...að skrifa á ÖLL jólakrotin þetta árið

Klukkan er 02.50 aðfaranótt sunnudagsins 18.desember.
Þið þarna sem fáið ekki jólakort þetta árið, það þýðir ekkert að grenja yfir því þið hafið bara ekki áunnið ykkur rétt til þessa að fá handskrifað kort frá mér þetta árið semsagt alfarið ykkur sjálfum að kenna ef ég sendi ykkur ekki kort.!!!!
Annars held ég að enginn verði skilinn vísvitandi útundan, þið fáið þá að heyra einhverja afsökun frá mér ef ég sendi ykkur ekki kort!!
Held að það sé best að fara sofa því það er víst nails í fyrramálið um hádegi:)

Þar til næst esskurnar
Bless Katla

Útskrifuð.....

2005-12-16T11:29:00.000Z

Ég má nú ekki gleyma afmæli dagsins, en hún Bryndís sæta á 13 ára afmæli í dag:)
Hér er hún með syskinum sínum jólin 2004 á Starmýri. Hún er eitthvað að reyna að halda í ormana svo hægt sé að mynda liðið OG SVO OPNA PAKKANA!!!

Jæja þá eru það smá fótafréttir fyrir þá sem hafa áhuga að vita um fótinn. Þorvaldur hringdi áðan til að segja mér frá síðustu myndum sem voru teknar. Fóturinn lítur mjög mjög vel út og ekkert athugavert að sjá. Gróandinn góður í beininu. Lærleggsbeinið er veikara heldur en önnur bein í mér, ég á t.d. ekki gera mikið af því að detta næsta árið:)
Hann telur að munurinn á fótunum á mér sé ekki mælanlegur, ekki 1 sm munur einog talað var um fyrst. Það má því segja að ég sé útskrifuð í þessu fótabrasai!! HÚRRA,HÚRRA, HÚRRA!!!!!!!!
Af þessu tilefni ætla ég að hafa smá myndaupprifjun frá þessu fótabrasi!!!

12.janúar farið fyrsta sinn á fætur.

Röntgen janúar

Röntgen apríl

Röntgen maí, með 6 sm lengri fót:)

Röntgen júlí.

Röngen september

Svo kemur þessi mynd inn seinna að hún á að sýna röntgen í nóvember.

Jólin koma brátt

2005-12-14T18:35:00.000Z

Ég held að þessi síða sé bara komin í jólafrí. Það er allt gott að frétta, nóg að gera í vinnunni á öllum vígsstöðum. Förum austur eftir helgina til að halda jólin í faðmi fjölskyldunnar:)

Bið að heilsa í bili
Kveðja Katla

Ungfrú heimur 2005

2005-12-10T17:07:00.000Z

Algjör snilld hjá henni Unni Birni að taka þessar skvísur bara í nefið. Hún stóð sig með prýði og er Íslensku þjóðinni til sóma. Það á örugglega eftir að vera mikið að gera hjá stúlkunni næstu mánuði og ár:)

Stefna er sett á tónleika með Frostrósum í Laugardalshöllinni í kvöld.
Jón er að setja upp jólaljós á svölunum hjá okkur:)

IDOL

2005-12-09T18:16:00.000Z

Munið að kjósa Ágústu í kvöld.......ÁFRAM ÁGÚSTA!!!!!!!

STÓRafmæli

2005-12-07T10:42:00.000Z

Elís afi á afmæli í dag og ekki neitt smá afmæli kallinn er 90 ára í dag, geri aðrir betur. Hann er heima hjá sér á Helgafelli og veit ég að það verður boðið uppá pönnsur og fleira fyrir gesti.

Ég fór í röntgen í Domus í gær. Þorvaldur vildi fá mynd af fætinum upp á grínið. Það er örugglega allt í gúddi með fótinn.

Ég bakaði ca 70 stk af Sörum í gærkvöldi og eitthvað svipað af súkkulaðibitakökum. Þetta heppnaðist alveg fullkomlega enda smakkast eftir því:)

Það verður bara nóg að gera hjá mér í vinnu fram að aðfangadag. Ég var að láta "plata" mig í enn eina vinnuna:/ Mér fannst það bara svo spennandi að ég ætla að prófa að vinna smá aukavinnu á kvöldin og þegar mér hentar. Þessi vinna tengist AVON. Svo er farið að panta hjá mér í snyrtingu á Djúpavogi. Ég ætla að vera snyrta þar 21.,22. og jafnvel 23. des. Svo verð ég með AVON vörur til sölu á staðnum.

Þar til næst hafið það gott hvar sem þið eruð og hvað sem þið eruð að gera.

Katla

Hæ hó

2005-12-03T15:49:00.000Z

Enginn annar en Eyþór Guðmundsson á afmæli í dag. Til hamingju með það.

Annars er allt gott að frétta. Ég er dugleg að skanna helstu fataverslanir bæjarins:) En þetta er allt undir control!!
Jón er loksins búin að skila sér heim...þessi essssska.
Næst á dagskrá er smá smákökubakstur. Veit ekki hvað skal baka nema það á enn og aftur að reyna við Sörurnar. Þær hafa verið bakaðar hér með misjöfnum árangri. Í fyrra líktust þær meira hnallþórum....en bragðið var mjög gott.
Ég er amk búin að kaupa kökublað vikunnar, en mér finnst lítið spennó í því.
Ég hélt Tupperware kynningu hér á fimmtudagskvöldið. Það var bara hin ágætasta kvöldstund, þó salan hafi ekki sprengt nein sölumet að ég held.
Ég er eiginlega alveg búin að skreyta hér fyrir jólin......Jón á bara eftir að hengja upp eina jólaseríu. Er það ekki Jón???
Mér er boðið á konukvöld með Helgu Brögu hjá Skýrr nk. fimmtudagskvöld, mig hefur lengi langað að fara á skemmtun með Helgu Brögu og aldrei að vita að ég skelli mér. Það er bara smá babb í bátnum ég þekki ekki eitt konukvikyndi þarna hjá Skýrr:)

Þórunn og Pétur eru að "meika" það í útlandinu. Þau eru bæði að fara í Karabískahafið 5 desember á skemmtisnekkjunni Leander Pétur verður um borð sem vélstjóri og Þórunn ætlar að þjóna fólkinu. Það er RÍKA og fræga fólkið sem tekur þessa snekkju á leigu. Það kostar ca 40 millur að taka snekkjuna á leigu yfir eina viku plús kostnaður.........Eitt er víst að þetta á eftir að vera mikið og vonandi skemmtilegt ævintýri fyrir þær turtildúfurnar. Ég held að ég eigi amk ekki eftir að taka þessa snekkju á leigu.

Hér á þessum link getið þið séð myndir af snekkjunni Leander

Jæja þetta er orðið gott í bili þar til næst hafðu það gott lesandi góður og kvittaðu nú fyrir komu þína hingað.

Afmæli

2005-11-30T23:04:00.000Z

Hann pabbi minn á afmæli í dag. Hann er á besta aldri kallinn:) Ég óska honum til hamingju með daginn (sem senn er á enda).!!!
Ég er að pakka inn jólagjöfum skrifa meira seinna......ég veit að ég er STÓRskrítin!!

Bæjó ykkar Katla

Spádómskertið tendrað

2005-11-27T23:31:00.000Z

Hér má sjá afrakstur í föndri síðustu daga. Ég er búin að fara amk 3 ef ekki 4 ferðir í Nóatún í Nóatúni til að kaupa hnetur í föndrið:)

Myndagetraun

2005-11-24T00:15:00.000Z

Þekkið þið þessi??

Ég andaðist næstum úr hlátri þegar mér var sýnd þessi mynd í dag.....á eftir að hlæja enþá meira þegar þessi mynd verður sýnd á breiðtjaldi á föstudagskvöldið kemur!!!!!!!!!!

SNILLD

Örstutt....

2005-11-23T12:10:00.000Z

Það sem er framundan næstu daga, viku og mánuð.

*Vinna
*Jólahlaðborð
*Setja upp aðventuljósið
*Föndra hnetukrans
*Skrifa jólakort
*Kaupa nokkrar jólagjafir
*Pakka inn jólagjöfum
*Jólatónleikar 10. des.
*Snyrta fyrir austan.
*Jólin
*Vinna
*Áramótin!!!!!!

.........þá er þetta á hreinu:)
Kveðja Katla rétt að komast í jólagírinn

Komin í helgarfrí:)

2005-11-18T17:28:00.000Z

Jæja þá er fyrsta vinnuvikan búin hjá mér. Hún var nú í styttri kanntinum því ég var veik heima í gær. Jebb...ég er aðeins búin að vera í veikyndafríi í 1 ár ákv að bæta einum degi í safnið. Þetta eru/voru ekki alvarleg veikyndi aðeins hálsbólga, kvef og hiti.
Reikna með að snyrta á morgun og svo dingla mér það sem eftir lifir helgar. Kannski verða hengdar upp gardínur í Krummahólunum.

Jæja Hrafnhildur einkadriver fer að mæta til að ná í mig. Ætla að eyða kvöldinu í góðu yfirlæti á Laugarnesveginum í kvöld. Einsgott að Idolið verði þokkalegt...nenni ekki að horfa á enn einn leiðindar þáttinn.

Bless bless og góða helgi
Katla

1 árs afmælisblog

2005-11-16T15:00:00.000Z

Tja...hvað skrifar maður á svona merkisdegi einsog í dag? Það er svakalega gott að vera komin í vinnu aftur. Svolítið erfitt að vakna 2 daga í röð klukkan 7 en það venst, þarf ekki að mæta fyrr en klukkan 13 á morgun:)
Ég, Hrafnhidlur og Soffía lögðum land undir fót í gærkvöldi. Stefnan var settt á Eyrabakka í heimsókn til Helgu. Þetta var hin ljúfasta kvöldstund. Það gerði hver um sig einn ´rétt til að borða um kvöldið og varð úr að það var matur fyrir amk 10-15 manns (vorum aðeins 4 stk)!!! Já, við erum ljóskur amk inn við beinið.......

Ég er að fara í AVON og ná í helstu tilboðin sem seld eru fyrir jólin. ´Það eru dúndurtilboð af kremum og snyrtivörum. Ef þið viljið fá að vita frekar um þetta hafi þá samband:)

Jæja læt þetta duga í bili bless
Katla

Blog og aftur blog

2005-11-14T20:31:00.000Z

Jæja þá er tími til kominn að skrifa eitthvað hér.
Austurferðin gekk vel fyrir sig en það er alltaf gott að koma heim aftur:)
Ég byrja formlega að vinna á morgun, já Katla Björk ætlar að láta verða af því að fara vinna. Enda eitt ár síðan að ég var í fastri vinnu. Ég mun fara á minn gamla-nýja vinnustað, tannlæknastofuna. Villi tannlæknir er ekki enþá við völd á stofunni heldur er kominn nýr eigandi. Ég mun einnig taka eina og eina vakt á snyrtistofunni í Baðhúsinu. Nóg að gera framundan sem er bara hið bestasta mál.

Það eru tveir dagar þar til að þessi blogsíða á einsárs afmæli!!!
Þessi síða var eiginlega bara gerð til að leifa ykkur þarna úti að fylgjast með mér og fætinum. Veit ekki hvað ég nenni að skrifa hér í framtíðinni. Held að ykkur finnst ekki gaman að fá sögur af tannlæknastofunni eða brasílísku vaxmeðferðum!!
Hvað þá sögur af mér og Jóni!!!!!
En ég mun skrifa hér þegar mér finnst vera efni og tilefni til þess.......

Bið að heilsa í bili úr skítaveðrinu í Reykjavíkinni.
Ykkar Katla

Austurferð

2005-11-10T13:56:00.000Z

Jæja þá erum við að leggja af stað austur. Maður hefur oft farið skemmtilegri ferðir austur en þetta er víst gangur lífsins að fólk yfirgefi þennan heim.
Hannes afi minn lést laugardaginn 5. nóvember og einnig Lilja systir ömmu minnar. Afi verður jarðsettur frá Heydalakirkju á föstudag og Lilja frá Djúpavogskirkju á laugardaginn.
Blessuð sé minning þeirra.
Hannes Björgvinsson F.12.11.1925 - D.5.11.2005
Lilja Skúladóttir F.3.10.1932 - D.5.11.2005

Guð veri með ykkur
Kveðja Katla

Afmæli

2005-11-07T18:33:00.000Z

Fannar Haukur á afmæli í dag. Hann er 3ja ára í dag þessi litli maður:)

Hugtök í FJÁRmálaheiminum

2005-11-04T01:30:00.000Z

Að bera fé:

Afklæða kind

Aflafé:

Kindur sem stunda veiðiskap

Áhættufé:

Fífldjarfar sauðkindur

Eigið fé:

Kindur sem maður á sjálfur

Fégirnd:

Afbrigðileg kynhneigð (Að girnast sauðfé)

Fégræðgi:

Að vera einstaklega sólginn í sauðaket

Féhirðir:

Smali

Félag:

Lag sem samið er um sauðfé

Félagi:

Sá sem leggur lag sitt við sauðfé

Félegur:

Eins og sauður

Féleysi:

Þegar skorið hefur verið niður vegna riðuveiki

Fjárdráttur:

Samræði við kind

Fjárhagur:

Einhver sem er afar laginn við sauðfé

Fjárhirslur:

Geymslur fyrir sauðfé

Fjárlög:

Mörg lög sem samin eru um sauðfé

Fjármagn:

Þegar margar ær koma saman

Fjármál:

Tungumál sauðkinda/jarm -Tóndæmi

Fjármálaráðherra:

Yfirsmali

Fjármunir:

Lausamunir í eigu sauðkinda

Fjárnám:

Skóli fyrir kindur

Fjárplógsstarfsemi:

Jarðyrkja þar sem sauðfé er beitt fyrir plóg

Fjársöfnun:

Smalamennska

Fjárútlát:

Þegar ærnar eru settar út á vorin

Fjárvarsla:

Það að geyma kindur

Fjárveitingar:

Þegar boðið er upp á sauðket í matarboðum

Fjáröflun:

Smalamennska

Fundið fé:

Kindur sem búið er að smala

Glatað fé:

Fé sem ekki hefur komið aftur af fjalli

Grímsá:

Kind í eigu Gríms

Handbært fé frá rekstri:

Kindur sem menn hafa gefist upp á að reka og ákveðið að bera á höndum sér.

Hlutafé:

Súpukjöt

Langá:

Einstaklega löng kind

Lausafé:

Kindur sem eru lausar á afréttinum

Norðurá:

Kind að norðan

Opinbert fé:

Fé í eigu ríkisins

Sauðburður:

Þegar handbært fé er borið að á milli staða

Sparifé:

Kindur sem ekki eru notaðar hversdags

Stofnfé:

Fyrstu kindurnar sem maður eignast

Tryggingafé:

Öruggt sauðfé

Veltufé:

Afvelta kindur

Þjórfé:

Drykkfelldar ær

Þverá:

Þrjósk kind

......stal þessu af síðunni hjá Ásdísi og Örvari.....

Sjáið bara mig:)

2005-11-03T23:13:00.000Z

Jæja þá var farið í fatabúð í dag. Reyndar bara eina og var OASIS vel styrkt af mér:) Það er hið besta mál og ég er rosalega ánægð með uppskeruna.
Ég keypti mér gallabuxur, svartar buxur, belti, rauðan bol og svartan bol. Hvíta bolinn (sjá mynd) keypti ég einmitt í OASIS fyrir stuttu síðan:)
Stígvélin sem ég gat hugsað mér að kaupa voru að sjálfsögðu ekki til í mínu númeri en væntanleg (mætti halda að maður hafi verið í IKEA) EKKI TIL EN VÆNTANLEGT!!!

Ég vildi bara láta þessa mynd fylgja með. Svona bara til að sína ykkur mig í öðru en rauðum eða svörtum smellubuxum. Get lánað ykkur þær með glöðu geði og tala nú ekki um gleðina:)

Einn ágætur hérna...

2005-11-02T23:20:00.000Z

Hjón ein áttu í erfiðleikum heima fyrir og voru með hvort annað í þagnarmeðferð. Allt í einu fattar maðurinn það að hann þarf á konunni sinni að halda til þess að vekja hann kl. 5 morguninn eftir til þess að ná flugi á mikilvægan viðskiptafund.

Þar sem hann vildi ekki vera fyrstur til þess að rjúfa þögnina (og þar með tapa rifrildinu), skrifaði hann á blað. Viltu vekja mig klukkan 5 í fyrramálið, og skildi blaðið eftir þar sem hann vissi að hún myndi finna það.

Næsta morgun vaknar maðurinn og sér að klukkan er orðin 9 og hann er búinn að missa af fluginu. Hann fer bálreiður fram úr og ætlar að athuga af hverju konan hans vakti hann ekki, en tekur þá eftir blaði við rúmið.

Á blaðinu stóð: Klukkan er 5? Vaknaðu!!

Annars af mér er allt gott að frétta. Þetta er alveg magnað með þennan fót ég finn barasta ekkert til í honum. Bara einsog ekkert hafi í skorist nema að hann hefur stækkað um 6 cm. Ég er alltaf tilbúin að finna til t.d. þegar ég stend upp eða sest niður. Eina sem ég get sagt um þennan blessaða fót sem er búið að leggja svona mikla vinnu í

STÓRKOSTLEGT

Þessir 6 naglar eru á lausu ef þið viljið fá þá lánaða!! Þurfið samt að hafa samband við Valda kalda til að fá lánaða rauðu græjuna og skrúflykilinn. ENNNN ég á naglana:)

Komin heim í heiðadalinn

2005-11-01T07:31:00.000Z

Ójá ég þurfti sko ekki að liggja inni yfir nótt, fyir betur fer segi nú ekki annað:)
1. Þorvaldur sagði við mig fyrir 1. mánuði að ramminn yrði tekinn mánudaginn 31.október og um hádegi.
2.Hann sagði einnig að ég mætti fara heim samdægurs.

Mér var sagt að koma klukkan 7 niðrá deild því ég yrði fyrst í röðinni. Það yrði náð í mig klukkan 7.30 uppá deild. Nobb fór í aðgerðina á slaginu 12.30

Mér var sagt að ég þyrfti amk að liggja inni í sólarhring því ég fengi pensilín í æð. Nobb fékk ekki einn dropa af pensilíni í æð. Og stóð það aldrei til af lækninum. Valdi kaldi sagði mér bara fara heim og hafa það huggulegt:)

Jæja hér með er ég hætt að setja út á störf heilbrigðisfólksins góða:)

Farin niðrí Iðnskóla Reykjavíkur í klipp og lit til Ásdísar systir!!

Bæjó

Jæja þá er komið að þessu

2005-10-31T06:26:00.000Z

Ég er farin upp á spítala, sjáumst án járna. Guð veri með mér og allir hans lærisveinar:)

Mánudagur til LUKKU?!

2005-10-30T01:31:00.000Z

Nú er runnið nýtt æði í bloggheiminum og það er eitthvað sem nefnist kítl. Ég ætla að taka þátt í þessari vitleysu og bið ég ÞÓRUNNI, PÉTUR, SOFFÍU(ÞÚ ERT MEÐ BLOGG NÚNA), HRAFNHILDI (ENGIN AFSÖKUN FYRIR AÐ GERA ÞETTA EKKI),SVEIN, ÁSDÍSI SYSTIR,ÖRVAR OG LÁTUM ÞETTA DUGA!!!

Sjö hlutir sem ég ætla að gera áður en ég dey:

1. Fá mér “annan” talandi páfagauk:)
2. Ferðast meira til útlanda
3. Fjölga mannkyninu.
4. Gifta mig
5. Kaupa mér svo draumahúsið í Reykjavík og drauma bílinn.
6. Lifa lífinu lifandi
7. Vinna í LOTTO

Sjö hlutir sem ég get:

1. BORÐAÐ
2. Borga reikninga
3. Keyrt bílinn minn
4. SOFIÐ og sofið en þá meira
5. Talað,lesið og skrifað
6. Verið 24/7 í tölvunni
7. Verið óþolinmóð

Sjö hlutir sem ég get ekki:

1. Drukkið heilann bjór
2. Keypt mér draumahúsið og bílinn:(
3. Sagt NEI
4. Skilið kínversku
5. Stýrt flugvél
6. Synt yfir Atlandshafið
7. Unnið í LOTTO

Sjö hlutir sem heilla mig við hitt kynið:

1. Bringuhárin
2. Klæðnaður
3. Rassinn
4. Ruglið sem þeim dettur í hug
5. Söngurinn
6. Útlitið ef það er gott

Sjö frægir sem heilla mig:

1. Auddi
2. Birgitta Haukdal
3. Bubbi
4. Eiður Smári
5. Hrafnkell í hljómsveitinni Svörtum fötum
6. Páll Óskar
7. Sveppi

Sjö orð eða setningar sem ég segi oft:

1. Afhverju
2. Ha
3. Hvað á ég að hafa í matinn?
4. Hvað segirðu gott?
5. Já
6. Nei
7. Nú

Sjö hlutir sem ég sé einmitt núna:

1. Bíla
2. Blaðadrasl
3. Brauðristina
4. Gleraugun
5. Leirdót frá NANNY
6. Ljósin í Reykjavík, Suðurnesjum og Akranesi.
7. Tölvan mín

Á MORGUN

2005-10-29T20:01:00.000Z

Bara 2 dagar

Veturkonungur mættur til Reykjavíkur

2005-10-28T16:36:00.000Z

Ég ætla að blogga um daginn í gær. Ég fór semsagt niðrí Fossvog til að láta innskrifa mig fyrir mánudaginn. Ég var mætt klukkan 11. Jón skuttlaði mér en hann þurfti að vera annarstaðar frá kl. 12-13.15. Spurðum hvað þetta tæki langan tíma, hjúkkan sem tók á móti okkar sagði að þetta gæti verið búið 11.50 í síðasta lagi. Ég lagði nú bara saman 2+2 og sagði Jóni að ég yrði í fyrsta lagi búin kl. 12.30, sem stóðst heldur ekki var búin klukkan 13.20!!!
Þetta hefði tekið MUN skemmri tíma EF ég hefði ekki þurft að svara sömu spurningunum 4 sinnum!! Já, ég sagði 4 sinnum!!!

1. Talaði fyrst við hjúkku sem var á endurkomudeildinni. Þetta eru helstu spurningarnar sem hún spurði.

2. Talaði við svæfingar lækni. Þetta voru helstu spurningarnar sem hann spurði.

3. Svo var komið að því að tala við deildalækninn.......og hverju haldið þið að hann hafi spurt að ??? Nú þessum spurningum hér.

a) Hvenær var aðgerðin gerð? 11.janúar
b) Hvernig hefur þetta gengið?? Vel
c) Ertu á einhverjum lyfjum? Já, sýklalyfjum
d) Hvað ertu búin að vera lengi á sýklalyfjum? Síðan í júlí.
e) Ertu með ofnæmi fyrir einhverjum lyfjum? Jebb, sýklalyfi sem heitir Staklox
f) Hvernig er almennt heilsufar? Bara gott
g) Hæð og þyngd? Mjög góð
h) Einhverjir sjúkdómar? Nei!!!! (nema að ég er að verða svolítið þreytt á sömu spurningunum aftur og aftur!!!!!!!!!!!!!!!!!!!!!!!!!)

....Þegar ég var búin að tala við alla þessa fór ég í röntgen.

4. Jæja þegar hér er komið við sögu átti ég BARA eftir að tala við einhverja hjúkku á bæklunardeildinni. Hún þurfti líka að fá að vita svör við nokkrum spurningum. Kom á óvart!!!

HVAÐ ER AÐ??

Frá því að ég talaði við fyrstu hjúkkuna og þá síðustu var:
....hæðin á mér ekkert búin að breytast kannski þyngdin um einhver grömm því að sjálfsögðu þurfti ég að bíða í 30 mín eftir að deildarhjúkkan gúffaði í sig hádegismatnum!!
....ofnæmið fyrir staklox ekkert búið að breytast.
..... ég ekki orðin sjúk af einhverjum sjúkdóm.
......heilsufar mitt sem VAR gott þegar ég mætti var farið að hanga á bláþræði eftir þessa heimsókn þá aðalega geðheilsan.!!!!!

Kannski er þetta óþarfa nöldur en svona upplifði ég þetta!!

Katla alveg búin á þessu liði.

3 dagar

Skemmtilegt...

2005-10-27T10:39:00.000Z

Fer í dag niðrá spítala í staðin fyrir á morgun. Ætli ég muni ekki eyða dágóðum tíma í að sitja og bíða, leiðinlegt!!

4 dagar

Allt í drasli....

2005-10-26T10:44:00.000Z

Það eru ekki allir sem vita að á Skjá einum er þáttur sem gengur útá það að fara heim til fólks og laga til hjá því og þrífa skít. Yfirleitt hefur verið farið til fólks sem ætti nú að geta haft vit á því að taka til í kringum sig en gerir það samt ekki.
Þessi tiltekni þáttur var í gærkvöldi og var þá farið heim til Önnu á Hesteyri í Mjóafirði. Jesús minn álmáttugur maður var búin að heyra að þetta væri slæmt hjá greyið konunni en fyrr má nú vera draslið og ég tala nú ekki um ALLAR mýsnar sem ganga þarna sjálfala um allt hús. Það var svo mikið drasl og skítur hjá konunni að það þarf 2 þætti fyrir þessa tiltekt. Þið getið séð þáttinn á www.s1.is og veljið það vefsjónvarp.......Góða skemmtun
Þessi kona er auðvitað þjóðargersem einsog Gísli nokkur í Uppsölum, spurning hvort þau hefðu ekki mátt bara leifa konu tötrinu vera ánægða með sitt drasl og ALLAR sínar mýs??!!! Hvað segið þið!!
Annars er það sama að frétta héðan. Ég fer á föstudagsmorguninn í alsherjar tékk og svo vonandi líður helgin hratt:)

Ég er farin að laga til, draslið hér fer að slá Önnu út DJÓK!!!!!!

Kveðja Katla SNYRTIPINNI

5 dagar

:)

2005-10-25T16:14:00.000Z

6 dagar

En ekki hvað.....

2005-10-24T11:12:00.000Z

...auðvitað er afmæli og það er hún Bára mín sem er 25 ára í dag:)
Til hamingju með daginn!!!!

...og svo allar konur TIL HAMINGJU MEÐ DAGINN:) Það er víst kvennafrídagurinn í dag!!

1 VIKA

Tvöfalt afmæli

2005-10-22T23:24:00.000Z

Grallararnir Júlíus Aron og Björgvin Freyr eiga 3 ára afmæli í dag. Spurning hvort þeir fá það sem þeim langar mest að fá í afmælisgjöf en það er ekkert annað en grrrröfu og fjarstýrðan bensínbíl og hana nú!!! Það verður gaman að sjá þá í næstu viku en þá ætla þeir að koma í heimsókn til Reykjavíkur:)

8 dagar

Bara....

2005-10-22T11:10:00.000Z

9 DAGAR

Yesss....þetta styttist

2005-10-21T12:22:00.000Z

Ég fékk hringingu áðan frá sjúkrahúsinu í Fossvogi. Ég mæti í undirbúning föstudaginn eftir viku í blóðprufur, röntgen og spjalla við eitthvað lið og svo verður járnið tekið mánudaginn 31. um hádegi:) Ég sagði komunni sem hringdi að þetta væri í fyrsta sinn sem ég hlakkaði til að fara á sjúkrahús.
Fín dagsetning svona um mánaðarmótin geta farið og spreðað í fataverslunum bæjarins. Jón gerir ekkert annað þessa dagana en að skrá sig á aukavaktir, hann sér bara svartnættið framundan EÐA er hann að losna undan því að fara í ALLAR fatabúðir borgarinnar??!!....hann er örugglega búinn að senda viðvaranir í helstu verslanir bæjarins um að fellibylurinn Katla eigi eftir að ganga yfir fyrstu vikuna í nóvember.

Gleymdi einu hérna keyptum í gær bestu græjurnar í bænum til að geta talað við ykkur gott fólk á SKYPINU. Elís Pétur við gerum allt sem þú segir okkur að gera eða næstum:)

Góða helgi og heyrumst á SKYPINU
Katla að farast úr spenningi

10 DAGAR

Þetta styttist.....

2005-10-20T08:35:00.000Z

11 DAGAR

Verið að kanna málið

2005-10-19T11:30:00.000Z

Ég er eitthvað efins um að hægt verði að taka járnið af mér hérna í RVK. Nenni bara ómögulega að fara norður. Þorvaldur er að kanna hvort það sé ekki örugglega hægt að komast að hérna:) Við vonum það besta.

12 DAGAR

Fátt eitt að frétta

2005-10-18T08:52:00.000Z

Úti er þetta líka góða veður. Skuttlaði Jóni í vinnuna klukkan 8, ég er bara nokkuð spræk. Stefnan er að bæjarast með henni Elísu Húsvíking í dag. Ég verð að vera dugleg að fara út að ganga þessa vikuna. Matja verður ekki viðlátin það sem eftir er af þessari viku. Það er mikil tilhlökkun hjá henni og ekki síst mér þegar járnið fer, þá geta æfingarnar farið að verða svolítið fjölbreyttari.
Ekkert afmælis barn í dag en þau eru nokkur næstu daga og vikur:)
Hrafnhildur, Soffía og enginn annar en Jón eru komin með bloggsíðu. Þetta eru aðalega myndir hjá þessum elskum. Kíkið endielga á þetta (þessar síður slá ekki minni síðu út)!!!!!
Jæja ég ætla ekki að hafa þennan pistil lengri. Hafið það gott hvar sem þið eruð í heiminum.

13 DAGAR

Aftur afmæli

2005-10-17T08:51:00.000Z

Já, afmæli dag eftir dag í fjölskyldunni. Ásdís systir á afmæli í dag hún er 7 árum og 17 dögum yngri en ég. Veiti ekki hvort hún sé með myndavéla fóbíu eða ég bara hreinlega hef ekki reint að taka mynd af henni amk á ég enga mynd af dömunni til að birta hérna á veraldarvefnum. Hún og Elsa héldu sameiginlegt kökuboð á Starmýri í gær. Kannski að Ásdís komi með eitthvað af þeim 17 tertum sem bakaðar voru, handa horaða fólkinu í Reykjavík:)

Ég hef aðeins verið að hugsa um nafn á kindina mína. Salmónellu nafnið finnst mér bara flottast. Það vill engin borða kind sem heitir Salmónella??!!

14 DAGAR

Afmæli

2005-10-16T14:10:00.000Z

Elsa systir mín á afmæli í dag, hún er heilum 5 árum og 16 dögum eldri en ég og reiknið nú!!
Hún er með myndavéla fóbíu því á ég enga mynd af henni, hún heppin. En það verður bætt úr þessu myndaleysi af henni við fyrsta tækifæri. Reikna með að hún bjóði gestum sínum uppá siglingu um miðbæ Hornafjarðar. Sýnist það vera besti ferðamátinn þarna á Höfn í dag.

Hornafjörður 15. október 2005

15 DAGAR

Snúðabakstur í Arahólum.

2005-10-15T17:03:00.000Z

Er þessa stundina að baka snúða....obboslega góðir.

Svo endilega komið með hugmyndir hvað hægt er er að skíra GOLU mína. Henni finnst ekki gaman að vera nafnlaus. Er Salmónella málið eða??

Hérna eru systurnar í fjárhúsunum á Fossárdal vorið 2005

Gola haust 2005

16 DAGAR

Sjáðu bara mig.....

2005-10-14T21:48:00.000Z

.....ég stend á eigin fótum.....

Við fórum á fund Valda Kalda í dag. Hann var bara hress einsog vanalega. Græjan var skrúfuð þannig að núna gerir hún sama sem ekkert, er bara þarna ef eitthvað klikkar. Svo er stefnan sett á að taka allt heila klabbið mánudaginn 31. október 2005 og meira að segja hérna á Landsspítalanum. Sparar mér eina ferðina Norður enda enginn skemmtilegur þar að heimsækja í lok október.

Ég er búin að splæsa í ný gleraugu sem verða vígð um leið og fóturinn. Finnst gleraugun ekki alveg virka. Ég fæ bara hausverk og ógleði þegar ég er búin að vera í smá tíma með þau. Ég þarf eitthvað að láta ath þetta. Ég varð að fá ný gleraugu einsog Soffía:)

Ég þarf að fá hugmyndir frá ykkur um nafn á gimbur sem ég á í fjárhúsunum á Fossárdal. Gimbrin er undan Salómon og þarf nafnið hennar að byrja á SA....eða verstafalli á S. Fyrsta nafnið sem mér datt í hug var SALMÓNELLA en kannski ekki fallegt nafn á svona fallega gimbur.

Ætla ekki að hafa þetta lengra á þessu föstudagskveldi.
Katla

17 DAGAR

GOLA MÍN

Tölvuvírus

2005-10-12T13:01:00.000Z

Já svei mér þá ég held að ég þjáist af tölvuvírus sem gerir það að verkum að ég nenni ekki að hanga í þessari tölvu. En ég vona að þessi vírus fjari burt.
Ég sá í gærkvöldi fyrsta snjó vetrarins hérna í Reykjavíkinni, snjórinn var ekki mikill því hann var farinn þegar ég vaknaði í morgun.
Fékk óvænta heimsókn frá Elsu Ágústu í gærkveldi. Það eru enþá að berast afmælisgjfir til mín það verða komin jólin áður en afmælisgjafirnar hætta að berast. Elsa gaf mér sætar naríur og hárteygju. Áslaug gaf mér mjúk og æðisleg flísnáttföt (keypt í Dublin) og 4 kertastjaka auðvitað mergt TUPPERWARE!!!.
Þorvaldur hefur ekkert látið vita af komu sinni til Reykjavíkur. En ég vona að kallinn láti nú sjá sig og segi mér hvenæææææærrrrrrrrrrrrr ég losna við draslið.
Jæja það er víst sjúkraþjálun eftir 15 mín og svo fer ég með Elsu Á í Ikea á eftir, gaman gaman.....

Ég er bara farin að halda að það sé búið að leggja den danske pigene inn á spítala....tja hvað veit maður.

Bæjó Katla

Haugur á sunnudegi

2005-10-09T12:30:00.000Z

Já, ég er bara haugur á þessum fallega sunnudegi. Ég ætla að baka muffins eftir að ég hef skrifað þennan pistil.
Soffía kom í bæinn á föstudag til þess að ná flugi til Köben í gærmorgun. Við náðum nú samt að eyða smotterí af peninugum t.d. keypti Soffía sér glæný gleraugu á nefið (neibb....hún keypti þau ekki á Barnalandi.) Um kvöldið var þetta hefðbundið að vana. Idol kvöld á Laugarnesveginum. Svo var vaknað hér klukkan 4.00 í gærmorgun og lagt af stað til Köben (ekki ég samt). Ég lagði mig í smá stund og náði svo í Jón í vinnuna kl 7.20. Svo loksins þegar ég hlunkaðist á fætur seint og um síðir leið mér einsog ég hefði verið á skrallinu alla nóttina.
En í dag ætla ég í búð og kaupa eitthvað sniðugt sem inniheldur Arnica Montana og vona að beinið grói á MET tíma.
Jæja þetta verður ekki lengra að sinni.
Muffinsbakstur er næstur á dagskrá:)
frh.á sunnudagskveldi
Muffinsbaksturinn gekk ljómandi vel og bragðast eftir því:)
Ég hef ákv að leigja út annan helminginn af rúminu mínu þegar það er ekki fullskipað. Fyrsti leigjandinn var Soffía. Hún var varla lögst á koddan áður en hún var kominn inn í draumalandið.
í vikunni ætla ég að commenta aðeins á íslenska Bachelorinn. Fylgist með því aldrei að vita að ég láti fylgja með krassandi myndir af kauða úr okkar einka myndasafni:)
Katla

Bíða bíða bíða

2005-10-07T00:14:00.000Z

Jebb...eitthvað verð ég með þetta járnadrasl lengur. Cortex beinið er ekki nógu vel gróið en ætti nú samt að halda. Hljómar ekki vel. Þorvaldu kemur í bæinn eftir viku þá ætlar hann að losa meira um rammann og svo eiga að líða 7-10 dagar:( Úff, púff. Gráu hárin fara spretta uppúr hausnum á mér einsog gorkúlur. Þá er nú gott að eiga systir sem getur litað þau:)
Annars er bara allt gott að frétta. Ég fór í heimsókn í vinnuna mína tilvonandi. Heilsaði þar uppá hana Lovísu klinku og Gulla tannlækni. Mér lýst bara vel á þetta þarna. Hann er að fara setja upp nýtt tölvukerfi (veitti ekki af) og kannski mála stofuna. Ég skoðaði vinnuföt með Lovísu og að sjálfsögðum þurfum við að vera í flottustu fötunum!!
Soffía sæta er væntanleg í bæinn á morgun og ætlum við eitthvað að bæjarast. Svo fer hún ásamt Hrafnhildi litlu og Önnu Huld skellibjöllu til Kóngsins KÖBEN á laugardagsmorguninn. Þar munu þær dvelja í 4 vikur. Hvað er þetta það eru ALLIR í útlöndum ef þeir eru þar ekki nú þegar eru þeir annað hvort ný komnir heim eða á leiðinni út, NEMA ÉG!!!

Ég veit að þið sem þekkið mig og mínar grænu fingur trúið þessu varla EN þetta er rós sem Jón gaf mér fyrir 1 VIKU SÍÐAN:) OG hún er sprell a live enþá!!

Speki gærdagsins

2005-10-06T12:44:00.000Z

Örvar varpaði fram mikilli speki (einsog honum er einum lagið) í gær.
Jónína Ben er að fara í lýtaaðgerð. Nú?? Já, hún er að fara láta taka af sér BAUGfingurinn.

Mánudagur í borginni

2005-10-03T12:38:00.000Z

Allt er með kyrrum kjörum hér í borginni, að því sem ég best veit!!

Ég fékk svo mikið í afmælisgjöf að ég gleymdi að minnast á það sem Eirný gaf mér það var hakkavél á hrærivélina og SHERRY FROMAS sem var á veisluborðinu!!!

Þorvaldur er ekkert búin að gefa út yfirlýsingu um hvenær stóri dagurinn verður. Mig dreymdi að hann yrði 18. október, vonandi verður það fyrr:)

Jæja ég er farin í þjálfun og eitthvað að bæjarast...

Bestu kv
Katla

Hálf fimmtug LOKSINS

2005-10-01T12:25:00.000Z

Takk, takk fyrir kveðjurnar,heimsóknirnar og gjafirnar í gær:)

Nokkrar mundir ykkur vonandi til skemmtunar!!

Morgunkaffi í boði Jóns. Fékk fyrirdiskan í gjöf frá Kolfinnu!!

Afmæliskaffið komið á borð

Græjuð með afmælisgjafirnar. Skór frá mágkonum og fjölsk, taska frá Hrefnu og Bergnýju, hálsmen frá Öldu og Eyþóri+peningur, vinabók frá Soffíu,D&G úr og snjóbuxur (sem á eftir að velja) frá Jóni:), peningur+hárspenna frá M&P, trefill+belti frá Ásdísi og Aldísi. Svo auðvitað Glasgow ferðin eftir áramót frá vinkonunum!!

ÚRIÐ!!!

25 ÁRA AFMÆLI KÖTLU

2005-09-30T00:06:00.000Z

ÉG Á AFMÆLI Í DAG!!!! MUNIÐ AFMÆLISKAFFIÐ Í ARAHÓLUM Í KVÖLD KLUKKAN 20.00

Stóri dagurinn rétt að detta á........

2005-09-29T12:14:00.000Z

Á MORGUN

....verð ég 25

Aðeins 1 dagur.......

2005-09-28T23:35:00.000Z

1 D A G U R

Jæja gott fólk þið hafið einn dag +föstudag til að koma ykkur til Reykajavíkur, til að koma í kaffi á föstudagskveldið!!!!
Annars verður held ég fámennt en GÓÐMENNT í kaffiboðinu hjá mér. Það eru tvær sem fara til Dublin á föstudag, 2 fóru til Mallorca í síðustu viku og svo býr þetta lið sem ég þykjast vera vinir og fjölskylda mín útum allt land og í útlöndum.......bara að búa í Reykjavík OG MÁLIÐ ER DAUTT!!!
Haldið þið ekki bara að fyrsti ammalispakkinn sé kominn í hús:) Pósturinn Páll færði mér hann í kvöld!!!
Ég er búin að baka aðra afmæliskökuna...ekki alveg nógu sátt við hana ennnn ég jóðla bara nógu miklu kremi á og í hana og þið eigið eftir að éta hana með bestu lyst.
Ég heimsótti röntgen í Domus í dag. Svo er bara að sjá hvað Valdi kaldi segir í næstu viku!!! Bíð spennt!!
Aldís lilla systir ætlar að halda uppi heiðri fjölskyldunnar sem býr útá landi og koma til Reykjavíkur á morgun og vera yfir helgina (kannski kemur hún með pakka frá þessu liði, aldrei að vita:).
Jæja það er búið að panta handsnyrtingu hjá mér og klukkan er 23.48 þetta er bæði yfirvinna og næturvinna....dýr handsnyrting það!!

Góða nótt sjáumst:)
Katla

Koma svo hérna....

2005-09-27T23:17:00.000Z

A F M Æ L I S Kaffi og tertur í Arahólum á föstudagskvöldið 30. september 2005 klukkan 20.00!!
Boðið verður uppá þvílíkar kræsingar að annað eins hefur ekki sést á borðum hér áður...enda meistari hér á ferð!!!

Aðgangseyrir enginn..........TAKIÐ KVÖLDIÐ FRÁ!!!!!!!!!!!!

ALLIR velkomnir!!!

Sjáumst
Katla rétt að detta í töttöguogfemm

Sunnudagur í borginni

2005-09-25T13:22:00.000Z

Hvað á maður að gera á köldum og fallegum sunnudagsmorgni??
Klukkan hálf tvö og ég er varla farin á fætur:)

Það sem mér finnst standa uppi í liðinni viku er sala á GRANA skrjóð. Jebb....hann er ekki lengur í fjölskyldunni. Hrafnhildur er búin að vera svolítið miður sín vegna þessa. Ég hef nú farið ófáar ferðarnar með honum GRANA, ég hef náð að fara hringinn á honum/með honum.
Akureyri-Fossárdalur
Akureyri-Reykjavík
Reykjavík-Fossárdalur
....og ég er lifandi enþá:)

Það helst að frétta af fætinum er að það er líklega myndataka í næstu viku. Eftir myndatökuna verður svo ákv. hvenær stóri dagurinn verður:)

Jæja ég ætla að skunda og ná í Fréttablaðið og ath hvort það hafi uppá eitthvað skemmtilegt að bjóða!!!

Bæjó Katla

Langsótt klukk....

2005-09-23T17:19:00.000Z

Nú er leikur í gangi í BLOGGHEIMINUM sem gengur útá það að KLUKKA fólk. Ef þú ert klukkaður þarftu að skrifa 5 staðreyndir um sjálfan þig og klukka svo til baka. Skiljið þið??
Hrafnhildur klukkaði mig á síðunni hennar Evu Bjarkar í commentinu.....svolítið langsótt. Hvernig væri bara Hrafnhildur að þú gerðir þér bloggsíðu?? Þá fær maður nú aðeins að vita hvernig lífið er hjá þér....eða er þitt líf ekki svona krassandi einsog mitt líf...eða ertu ekki með athyglissýki??? Nei...ég bara spyr!!!

ÉG VIL AÐ ÞÚ FARIR AÐ BLOGGA!!! OG HANA NÚ!!!!

5 staðreyndir um mig!!!

* Ég tel niður dagana þar til að ég losna við járnadraslið!!!:) (Ég var að láta lengja fótinn á mér um 6 cm, geri aðrir betur). Valdi kaldi læknir er klár kall!!!

* Ég verð 25 ára gömul eftir 7 daga!!! Vei vei

* Mér finnst meistarabréf COOL!!! Lauk meistaraprófi í snyrtifræði í vor og uppá vegg hjá mér hangir MEISTARARBRÉF!!!

* Ég get varla beðið eftir að fara vinna á tannlæknastofunni!!!

* Ég á kærasta til 8 ára (humm...sumir eru nú giftir eftir svona mörg ár í sambúð), 4 systur, 5 frændsystkini, mömmu, pabba, 2 ömmur, 2 afa tengdafjölskyldu, vinkonur, vini, frænkur, frændur ........og þetta er það mikilvægasta í lífi mínu!!!!

.........Ég ætla að klukka Ásdísi, Örvar, Aldísi, Soffíu og Önnu Huld (já halltu bara áfram að blogga...þér er engin vorkunn)

Læt þetta gott heita í bili
Farið varlega um helgina
Kveðja Katla

hvert fer allur þessi tími??

2005-09-22T10:42:00.000Z

Það er kominn fimmtudagur og þessi vika fer senn að ljúka!! Það er eiginlega ekki fyndið hvað þessi tími flýgur áfram. OG það er ekkert að frétta.
Ég er búin að hafa nýja bílinn hans pabba í 3 daga og er rosalega gaman að þeytast á honum um bæinn enda TOYOTA þar á ferð. Kallinn fer svo á tryllitækinu austur í dag.
Ég er ekki alveg ánægð með liðið í AVON það virðist ekki getað tekið til réttar vörur handa manni í poka. Það þýðir það að maður þarf að fara aftur og aftur til að leiðrétta villurnar þeirra. Ég er t.d. að fara 4 ferðina til þeirra í dag útaf vitleysu hjá þeim, vantar vörur o.s.frv.
Ég og Þórunn fórum í Smáralindina í gær að kíkja á nýju Oasis-búðina. Þar sá ég gallabuxur og svartarbuxur sem ég gæti hugsanlega hugsað mér að kaupta í OKTÓBER!!!
Það fer auðvitað eftir því hvort ég komist í helv....buxurnar. Mér sínist spekeð ekkert farið langt síðustu 9 mánuðina!!!
Ætla að tékkta á glernámskeiði (bræða gler) í október....vil einhver komma memm??
Er þetta nóg af fréttum handa ykkur í bili???

Kveð að sinni
Katla

p.s. Það eru 8 dagar í þið vitið!!!

Út og suður

2005-09-19T21:46:00.000Z

Þá er maður kominn úr en einni austurferðinni. Þetta var hin ágætasta ferð. Ég snyrti 2 daga á Djúpavogi einsog til stóð. Ég týndi smotteríi af sólberjum sem bíða eftir mér hérna út á svölum...... Jón skaut nokkrar gæsir og smalaði rolluskjátum og snérist í kringum þær.
Svo heldur lífið áfram hérna í Reykjavík, Jón fór í vinnuna og ég kíkti í sjúkraþjálfun í dag.
Ótrúlegt hvað tíminn er fljótur að líða á morgun er 20 september 2005!!! Hvað þýðir það??? Nú það eru aðeins 10 dagar í STÓRafmæli og styttist óðum í að járnadraslið fái að fjúka.
Kíkti aðeins í nýju Bónusverslunina sem var verið að opna hérna í Hólagarði. Þetta er stærðar verslun og þægilegt að geta bara rölt í Bónus!!

Ég er að geyspa golunni hérna. Væri réttast að koma sér í rúmið sitt góða.

Bæjó
Katla

Er að leggja í langferð.....

2005-09-13T13:58:00.000Z

Jæja ég mun dvelja á austurlandinu góða næstu daga. Veit ekki hvort það verður mikið um blogfærslur á meðan ég dvel í sveitinni.
Þið skoðið bara á maðan alla linkana sem ég er búinn að setja inn og ef það eru einhverjir sniðugir linkar sem gaman er að skoða þá megið þið senda mér slóðina:)

Var t.d. að bæta við www.austurlamb.is. En þar getið þið keypt kjöt af STÓRBÆNDUNUM á Fossárdal. Auðvitað besta kjötið á markaðnum.
Kannski eftir nokkur ár verður til www.austurKANÍNA.is. Það er að segja ef ég gef þeim KVK kanínu í búið, ég ætla að hugsa þetta aðeins:)

Svo þegar ég kem að austan fer ég að telja niður dagana þar til ég losna við JÁRNADÓTIÐ:) Veiveivei

Farið varlega
Kveðja Katla

Smá upplyfting á síðunni

2005-09-12T01:25:00.000Z

Ég var að dunda mér að endurbæta síðuna mín.
Setti inn fullt af nýjum linkum. Smáfólkið og uppskriftir.

Endilega kíkið á þetta:)

Svo ef ÞÚ lesandi góður vilt vera inná síðunni minni þá senduru mér bara linkinn og ég skelli þér inn!!!

No title

2005-09-10T11:34:00.000Z

Þið segið það gott fólk....
Ætla aðeins að segja frá ferðum mínum síðustu daga.
Í fyrrakvöld bakaði ég þessa líka ljómandi góðu pizzu og bauð þessum "hefðbundnu" matargestum í mat. Það voru semsagt Ásdís, Örvar og lilta ljósið hún Hrafnhildur.
Jón var að vinna en hann átti nú samt heiðurinn af sósunni sem gerir gæfumuninn.
Ég kann ekki uppskriftina af sósunni:( Verðið að biðja Jón um hana!!

Pizzabotn:
8 dl hveiti
3 dl vatn (volgt)
1 bréf ger (ca 15 gr)
2 msk olía

hnoðað saman og látið hefast.

Ég var með aðra uppskrift af pizzabotni en í honum er bjór eða pilsner. Ég gat auðvitað ekki gert hann því það er ALDREI til bjór á þessu heimili NEMA að einhver gefi okkur hann eða gleymi honum.

Jæja nóg um pizzugerð.

Í gær eftir dágott kaffihúsaspjall við Höllu og Öldu Kristínu fórum ég og Hrafnhildur alla leiðina til Eyrabakka. Við vorum búnar að bjóða okkur í mat þangað. Helga og Árni tóku vel á móti okkur. Maturinn stóðst allar þær kröfur sem settar voru og meira til:) Það var bara rok og rigning á okkur farðalangana báðar leiðir.

Stefnan er svo sett austur á firði næsta þriðjudag. Ég ætla að láta hendur standa framúr ermum á Djúpavogi miðvikudag og fimmtudag. Boðið verður upp á snyrtingu þessa daga.
Ætli Jón reyni ekki að hlaupa á eftir einhverjum rolluskjátum uppum alla tinda.

Laugardagsmorgun og hvað á maður að gera í dag?
Ætla að hugsa þetta........

Kveðja Katla

Fall er fararheill....

2005-09-07T18:16:00.000Z

Ætla hér að segja stutta ferðasögu, enda ekki um ýkja langa ferð að ræða.

Var mætt á RVK-völl klukkan 16.30 í gær og fór í loftið til Akureyrar kl 17.00. Veðrið var einsog best verður á kosið, því var Katla Björk salla róleg. Flugstjórinn talaði svo eftir ca 15 mín flug (einsog þeir gera alltaf) OG HVAÐ VAR HANN AÐ SEGJA....."Góðir farþegar þar sem mælitækin hjá okkur sína að það sé smávægileg bilun í öðrum hreyfli vélarinn höfum við ákv að lenda aftur í RVK. Það er engin hætta á ferðum" HALLÓ, afhverju endilega ÞESSI flugvél?? Ég náði aðeins að hreynsa skítinn úr æðunum og stífluðu svitaholurnar virkuðu fínt....Lentum svo í RVK 17.30 og fórum fljótlega í loftið aftur á ANNARRI FLUGVÉL!!!
Ég gisti hjá Soffíu og Sveini í nótt, fékk góða þjónustu einsog alltaf!!
Svo í morgun var haldið á fund Valda kalda. Fyrst skoðaði hann græjuna og svo fór ég í myndatöku. Skoðaði svo myndirnar með Þorvaldi og hann sagði bara allt gott um þetta. Hann skrúfaði nokkrar skrúfur á tækinu lausar þannig að núna geng ég á beininu sem er að myndast og ramminn er meira til stuðnings. Það var svolítill sársauki meðann hann skrúfaði skrúfurnar lausar því það var spenna í fætinum sem losnaði um.....veit ekki hvort þið skiljið þetta!! En ég harkaði bara af mér!!
Stefnan er svo að taka allt draslið eftir ca 3-4 vikur, samt ekki fyrir afmælið mitt 30. september (spurði sérstaklega að því). Jú, ef þið vitið það ekki þá verð ég 25 ára og vil fá pakka, RISA STÓRANN PAKKA:)
Þorvaldur er svo ánægður með mig hvað ég er búin að standa mig vel í þessu að hann á ekki orð yfir það:)Fékk bara klapp á öxlina fyrir það. Enda engin venjuleg manneskja hér á ferð.... Nú, ég sagði honum bara hver galdurinn væri það er að vera jákvæður og þá ganga hlutirnir upp:)
Það er ekki oft sem manni er hrósað, hvað þá af lækni:)
Fór svo "heim" í Drekagil 21 og fékk mér smotterí að borða, pantaði mér flug og spjallaði örstutt við Soffíu. Þá var kominn tími til að koma sér á völlinn.
Flugið til RVK gekk einsog í sögu. Heiðskýrt alla leið.
Þórunn var minn einkadriver heim í Arahóla þar sem ég er stödd núna ein og yfirgefin.

Svo næstum því að lokum þá gerðust þeir undur og stórmerki í gærkvöldi að pöntuð var (loksins) 25 ára afmælisferðin okkar 5 vinkvenna, höldum á vit ævintýranna 23 febrúar 2006 og skellum okkur til stórborgarinnar GLASGOW!! Ég er STRAX farin að hlakka til!!!

Jæja nú er ég búin að segja það helsta sem gerst hefur í mínu lífi síðustu 2 sólarhringa...þá er komið að þér lesandi góður að KVITTA Í GESTÓ EÐA COMMENTA:) Takk, takk það fá svo allir jólakort sem kvítta fyrir sig...hafið bara fullt nafn og heimilisfang (betra ef ég þekki þig ekki neitt)!!!

Kveðja Katla

Lifi í draumi....

2005-09-06T10:51:00.000Z

Í draumalandinu var ég með mínum 2 mönnum Jóni M og Þorvaldi lækni.
NEI, Þorvaldur sagði mér það að græjan yrði ekki tekin af fyrr en í október:( Var svolítið svekt........

6 tímar í brottför til AKUREYRAR!!! Svo rennur stóra stundin upp kl 10.00 þá hitti ég engann annan en Valda kalda á FSA !!!!

Það er bara ekki að virka að gera könnunn á þessu fína bloggi mínu.
Ég ætlaði bara að spyrja um hvort Þú lesandi góður heldur að Katla Björk losni við járnadraslið í þessarir Akureyrarferð??!!??!!

Bæjó
Katla

Akureyri tomorrow morning...

2005-09-05T13:40:00.000Z

Jebb, brottför klukkan 17.00 lendi á Akureryi kl 17.45. Maður verður nú að nýta ferðina og heimsækja allt skemmtilega fólkið sem býr á Akureryi.

Í dag fór ég í verslun í Kópavogi sem er svosem ekki merkilegt, nema að ég GLEYMDI HELV....HÆKJUNNI!!! Þarf því að heimsækja þessa ágætu verslun aftur:)

Ætlaði að skella inn könnunn hingað inn á bloggið en þetta er ekki alveg að virka hérna:( Kannski kemst þetta í lag í kvöld.

Mynd tekin 4.9.2005 klukkan 21.00.
Séð upp á Snæfellsnes.

Morgun stund gefur gull í mund..

2005-09-03T11:34:00.000Z

Sit hér og borða bláber og rjóma. Berin koma alla leiðina frá vestfjörðum og auðvitað tíndi Eirný þau. Ætli hún hafi ekki tínt ca 20 lítra af aðalbláberjum á 2 dögum...dugnaður í gömlu konunni.
Annars er gott veður í borginni og spurning um að fara út að viðra sig.

Lífsreynslusaga o.fl.

2005-09-02T17:15:00.000Z

Föstudagur í borginni:
Fékk óvænta og umfram allt skemmtilega heimsókn kl. 11.00 í morgun. Það var engin önnur en Þórunn "pésakona".Hún var það heppin að húsráðandinn var ný skirðinn á fætur til að redda sér "dópi" eða réttara sagt penzilíni hjá heimilislækninum. Ég bauð hérna uppá morgunhressingu sem samanstóð af skyr.is og drykkjarjógúrti, ekki amalegt það.
Við afrekuðum að fara í Smáralindina og í Kringluna ásamt því að fara í H&M. Komumst að því að fötin sem eru til sölu þessa dagana eru L J Ó T og gamaldags. Ég keypti mér einn svartan trefill fyrir veturinn!!

Í gærkvöldi fór ég ásamt Jóni til að nálgast matarstell sem Alda Jóns var að kaupa (ÉG fann það á Barnalandi, hvar annarsstaðar). Það er ekki frá sögu færandi nema ég fer í sakleysi mínu upp 76 tröppur (3 hæð) ÁN HÆKJU og ætlaði að æða inn til konunnar til að skoða stellið. NEI, NEI hjartað tók fljótt kipp þegar á móti mér kom vaðandi DOBERMAN hunds kvikindi af stærstu gerð. Halló, ég var í fjölbýlishúsi upp á 3 hæð og konan bjó í ca 70 fm2 íbúð. Jæja, ég ætlaði að harka af mér og fara inn, en var nú með augastað á þessum helv...hund (enda ekki annað hægt vegna stærðar hans) . Neibb, hundinum leist eitthvað vel á mig og vildi endilega kíkja nánar á mig. Sagði konunni að ég gæti ómögulega komið inn ef þessi hundur yrði nálægt mér. Hún reyndi að telja mér trú um það að þessi hundur væri sko ekki einsog DOBERMAN hundarnir í bíómyndum......SO WHAT!!! Hundurinn hefði getað étið af mér hausinn í einum munnbita ef hann hefði viljað það og örugglega étið af mér járnfótinn í eftirmat (ef hann hefði verið svangur)!!! Konan og JÓN (sem stóð EKKI með mér í þessum ógöngum) sögðu mér að hann skylfi af hræðslu....GOTT en því miður drafst hann ekki úr hræðslu:( Jæja hundurinn var lokaður inní herbergi meðan Katla Björk staldraði við. Til að þið áttið ykkur á stærðinni þá var inn í eldhúsi ca 50 lítra tunna með þurrmat handa hundskvikyndinu. Veit ekki hvað þessi matur dugar í margar máltíðir enda nokkuð sama, hef ekki hug á því að fá mér DOBERMAN !!!
Þetta er ekki búið konan sendi mér í dag (föstudag) skilaboð um að öskubakkinn úr stellinu hefði gleymst hjá henni!!! Vei vei ég get farið aftur og heimsótt hana og HUNDINN:) Vil einhver koma með???
Ég hugsa mig tvisvar um þegar næsta góðverk eða sendiferð verður farin á ókunnugar slóðir!!!

Fengum slatta af nýveiddum fiski gefins í gær:) Það var Bjössi sjóari sem var svo góður að gefa okkur hluta af afla sínum. Er að hugsa um að hafa fisk í matinn í kvöld...hvernig væri það nú?!!

Annað kvöld verður svo farið með Áslaugu og Þórunni á tónleika í Laugardalshöllina. Þar mun Gospelkór Reykjavíkur þenja raddir sínar. Þannig að næst þegar ég skrifa verð ég örugglega frelsuð kona!!! Drottinn minn dýri!!

Jæja best að kíkja á fiskinn og spyrja hann hvernig hann vilji láta matreiða sig.

Þar til næst góðar stundir:)
Katla

Skúra, skrúbba, bóna og fl...

2005-08-31T16:24:00.000Z

Já, dugnaðurinn hefur farið fram úr björtustu vonum á þessum bænum í dag!! Búin að skúra alla gólffleti í íbúðinni + svalir, þrífa WC og þvo 2 þvottavélar.
Sit núna í eldhúsinu með tölvuna á eldhúsborðinu og háma í mig ýmsu gúmmulaði og mikið af því:) nammm
Annars gengur lífið sinn vanagang. Reikna með að fara norður eftir helgi það er að segja ef Þorvaldur ætlar ekki að lengja sumarfríið til 12 sep.
Ég er voðalega dugleg að ganga án hækju og gengur alltaf betur og betur. Hef samt hækjuna með ef farið er útúr húsi. Ég haltra svolítið en ég verð bara vera dugleg að æfa mig. Spurning að vera ekki með neina hækju í heimsóknina til Þorvaldar:) Reyna að GANGA í augun á honum!!!

Jæja ég læt þetta duga þvottavélin kallar.

Katla

Andlaus.......

2005-08-30T16:02:00.000Z

Tja...hvað skal nú segja.
Við röltum útí Krummahóla í gærkvöldi og fórum í heimsókn til leigjendanna okkar. Þau voru bara hress og skemmtileg (enda utan af landi einsog annað fólk sem hægt er að tala við!!) Þeim líkar svo vel í þessu hverfi að þau eru á fullu að leita sér af íbúð hérna til að kaupa. Vilja helst kaupa okkar íbúð því þau eru með 2 börn og finnst gott að búa í íbúðinni okkar og kostur að vera á jarðhæð. En við höfum ekki hugsað það að selja íbúðina ekki strax amk.

Kíkti í þjálfun til Matju í dag, það er alltaf gaman að koma til hennar:)

Ég er að hlusta á Bylgjuna og það er verið að tala um hvernig fólk geti sparað.
Ég held að eina leiðin til að spara sé að eyða ekki peningum sem maður á ekkert í. T.d. yfirdráttur og visa kort!!! Eyða peningum í samræmi við það sem kemur inná reikningnn hjá manni....sniðugt ekki satt???
En við íslendingar erum nú bara þannig að við þurfum að eiga ALLT og helst vera miklu flottari heldur en aðrir í kringum okkur....og hvernig getum við þetta JÚ tekið lán og eða sett á VISA-RAÐ!!!
Æi...ætla ekki að tjá mig meira um sparnað, ég er mjög góð í því að eyða í vitleysu og í sparnað:)

Farin að bora í nefið
Bæ
Katla

Haustið gengið í garð eða hvað??

2005-08-27T20:38:00.000Z

Komið þið sælir lesendur góðir.
Dvölin í bústaðnum var fín. Veðrið hefði kannski mátt vera betra en við höfðum það gott inn í hlýjunni. Keyrt var um nágranna byggðir Miðhúsaskógar, farið í pottinn og tekin nokkur góð högg á púttvellinum sem er við hliðina á bústaðnum.

Komum heim í gær í blíðskaparveðri. Keyrðum sem leið lá á Þingvöll og þaðan yfir Uxarhryggi og niðrí Hvalfjörð og svo beint í borgina.
Við vorum komin í bæinn um kl.17 í gær.
Ég er búin að fá vinnu þegar þessu brasi á mér líkur (ef því líkur EINHVERNTÍMAN)!!! Ég fer semsagt að vinna á mínum gamla vinnustað en Villi er búin að selja stofuna og nýr eigandi tekinn við. Vona bara að ég geti mætt í vinnu þegar líða fer á haustið.

Ég fór í dag á fund hjá AVON snyrtivörum. HÉRNA getið þið séð gestgjafatilboð næstu vikna. Svo eru mörg tilboð fyrir þær/þá sem mæta á kyninguna. Ef þið viljið bóka kynningu þá bara látið þið mig bara vita og ég mæti með bros á vör!!:)

Ég er líklega að fara norður yfir heiðar eftir helgi eða eftir 1 viku. Held að ég losni EKKI við járnin í þessari ferð:( Ég er farin að gruna að sýklalyfin séu ekki að virka einsog þau eigi að gera. Þetta er allt mjög óljóst....en draumurinn væri að losna við helv....draslið:/

Það var ekki mikið myndað í þessari sumarbústaðaferð en hérna koma nokkrar:)

Hér er vatnskötturinn mættur í pottinn!

Hjálparfoss í Fossá en hann er rétt hjá Búrfelli. Fórum rúnt þangað með Hrafnhildi og Kristjáni.

F I R E !!!!

Að sjálfsögðu er ég fyrst til að setjast við matarborðið, læt sko ekki bíða eftir mér þegar matur er annarsvegar:) nammm

Miðhúsaskógur

2005-08-21T01:46:00.000Z

Jæja, þá er þessi menningarnótt/kvöld yfir staðin. Eftir flugeldasýninguna kom líka þessi helli temba og þar sem ég hleyp nú ekki hratt var mín og fleiri vel blaut þegar komið var í bílinn. Þetta var ágætis skemmtun þarna niðrá hafnarbakka. Flugeldasýningin var mögnuð, hver önnur bomban flottarri.
Í dag var Jóhannes kendann við Bónus styrktur. Við versluðum í hans ekta verslun fyrir sumarbústaðaferðina. Við munum halda á vit ævintýranna á morgun.
Svo bara kíkið þið í heimsókn með sundfötin, bjórinn, góða skapið og kannski eitthvað gott á grillið. Svo kannski svefnpokann ef þið verðið ekki ökufær eftir ofneyslu áfengis.

Læt kort fylgja með sem ætti að vísa ykkur leiðina. Bústaðurinn sem við munum dvelja í er númer 16.

Uppskrift og föndur

2005-08-17T23:17:00.000Z

Samhliða prjónaskapnum er ég byrjuð að föndra mósaík. Ég fann konu á netinu eða réttara sagt á Barnalandi sem var/er að selja lagerinn sinn af glerflísum og ég keypti slatta af henni....mjög ódýrt og gott. Hrafnhildur kom í gær og föndraði sitt fyrsta mósaík listaverk sem var kertastjaki. Það þarf bara að láta hugmyndaflugið njóta sín.
Smá tilhlökkun er komin í okkur hjónaleysin fyrir sumarbústaðaferðinni. Við ætlum að dvelja næstu vikuna frá laugardegi til föstudags í Miðhúsarskógi. Allir eru velkomnir í heimsókn, bara að hringja og panta pláss.....takið bjórinn með ykkur.
Þetta verður vonandi ágætis tilbreyting að dvelja í bústað. Það verður eitthvað tekið með sér til dundus og NÓG til að bíta og brenna:) svo verður farið í
M E G R U N eftir þessa sukk viku...punktur.

Ég fór í dag að kíkja á þær mæðgur Guðbjörgu og Lilju Ósk (fædd 21.7.2005). Þær eru svo að flytja til Svíþjóðar eftir helgi og verða þar í amk 1 ár:( Þannig að maður fær lítið að knúsa krílið.

Ég ætla að láta fljóta með eina uppskrift sem vert er að prófa við tækifæri.

Magnúsarsæla

Botnar:
1 1/2 bolli sykur
3 egg
1 1/2 bolli döðlur (brytjaðar)
1 1/2 bolli kókosmjöl
1 1/2 bolli suðusúkkulaði (brytjað)
5 msk hveiti
1 1/2 tsk lyftiduft
3 msk vatn eða góður kaffilíkjör
1 msk vanilludropar

Aðferð:
Egg og sykur hrært vel saman. Svo öllu hinu blandað varlega saman. Bakað í 2 lausbotna formum, setjið smjörpappír í formin.
Bakið við 175°c í 25-35 mín
ATH látið kökuna aðeins kólna áður en þið takið smjörpappírinn af. Það getur reynst smá föndur að ná pappírnum af!!!

KREM
3 Eggjarauður
50 gr flórsykur
50 gr smjör
100 gr suðusúkkulaði (brætt)

Aðferð:
Eggjarauður og flórsykur hrært vel saman.
Smjör og súkkulaði brætt saman í botti við vægan hita. Kælt og sett útí eggjahræruna.

Rjómi settur á milli botnanna og kremið yfir....

Bragðast best með ískaldri MJÓLK...hringið bara í mig þegar þið eruð búin að baka:)

Verði ykkur að góðu:)

Frjáls einsog fuglinn fljúgandi...

2005-08-16T12:25:00.000Z

Ég settist undir stýri í gærkvöldi á mínum ekta beinskipta WV golf og auðvitað gekk það ljómandi vel. Engar teljandi skemmdir urðu gerðar á mannvirkujum RVK-borgar. Jón sagði EKKERT fyrstu mínúturnar meðan ég sat undir stýri en svo losnaði um málbeinið þegar hann sá að þetta gekk svona glimrandi vel. Ég rúnaði í ca eina klukkustund þá var komið nóg.

Ég gleymdi auðvitað aðalmálinu í sambandi við brúðkaupið. Jón náði að sjálfsögðu EKKI sokkabandinu (veit ekki hvort hann lagði sig mikið fram við það) sem Árni kastaði. OG ég er ekki enþá orðin STÆRRI en Soffía vegna þess náði ég EKKI brúðarvendninum á undan Soffíu. Þó ég hafi nelgt í hausinn á henni með hækjunni þá lét hún ekki bugast og hrifsaði vöndinnn til sín. Segið svo að stærðin skipti ekki máli!!!!
Ég skal standa mig betur næst......

SVO eitt að lokum doktor Þorvaldur Ingvarsson er í sumarfríi til 2 september 2005!!!!

Jæja við erum farin út í rigninguna

Kveðja katla

Hvar er Bíldudalur???

2005-08-15T23:29:00.000Z

Hef ekki heyrt eitt orð frá doktor Þorvaldi.....reyni að komast að því á morgun hvar maðurinn heldur sig. Kannski er hann fluttur til úglanda....ég veit það ekki. Ef þið sjáið kauða látið mig vita.

Við fórum í brúðkaupið Helgu og Árna á laugardag. Fengum far með KB og HE á þeirra ofur fák. Brúðkaupið fór mjög friðsamlega fram og var fallegt og skemmtilegt í alla staði. Maturinn var góður, vínið var gott, ostakakan ágæt og skemmtiatriðin góð:) Svo voru brúðhjónin fallegust:)
Set inn myndir þegar ég fæ þær hjá Soffíu og Sveini. Við vorum ekki með neina myndavél meðferðis vegna þess að hún er eitthvað veik greyið og verið er að lækna hana.

Við fórum niðrá spítala til Hennesar afa og tókum ömmu með okkur heim í Arahóla. Við grilluðum úrbeinaðann bóg fylltum hann með skinku og osti ásmat BBQ. Þetta bragðaðis mjög vel. Svo áður en við skiluðum ömmu í Hofslundinn komum við við í ísbúðinni...nammi namm. Held að ég hafi lagt af um ca 1 kg í dag!!???!!?!?

Er byrjuð í sjúkraþjálfun eftir 1 mánaðr sumarfrí. Hún er mjög ánægð með mig og minn fót. Enda er ég farin að ganga innandyra án hækja. Hún vill ásamt fleirum komast að því hvað myndirnar segja.

Jón tilkynnti mér í kvöld að hann væri að hugsa um að flytja til BILDUDALS!!! Hljómar vel ekki satt??? Þessi tillaga hjá honum fékk LITLAR undirtektir af minni hálfu. Gæti alveg eins flutt á Svalbarða sé né heyri engan mun á þessum nöfnum!!
Haldið þið að það væri ekki munur að bora í nefið á Bíldudal held að maður yrði fljótt búinn að hreinsa vel út nefinu fyrsta daginn.
Veit ekki hvot hægt sé að kaupa í matinn þarna. Vitið þið það???

Læt auglýsinguna fylgja með ef þú lesandi góður hefur áhuga......ef þú átt þér ekkert líf þá held ég að Bíldudalur sé málið fyrir þig!!!

Upplýsingar - Flokkur Húsnæði - Í boði Skoðað 42 sinnum
Ódýrt á Bíldudal !!!!
Tæplega 108 m2 einbýlishús er til sölu að Dalbraut 28 á Bíldudal. 4 svefnherbergi, opinn og vel hirtur garður. Stendur á góðum stað í þorpinu með góðu útsýni.
Tilvalið fyrir þá sem vilja eiga athvarf út á landi...
Hafðu samband við:
Unnur
Verð:: 5,4

--------------------------------------------------------------------------------
Sett inn: ágú 14, 2005 17:12

--------------------------------------------------------------------------------
Rennur út: ágú 28, 2005 17:12

Helgin framundan

2005-08-12T10:43:00.000Z

Hæ
Ekki einsog skipti máli hvort það sé helgi eða mið vika. Þessir dagar líkjast hver öðrum sérstaklega þegar Jón er að vinna á öllum tímum og ALLTAF í fríi.....sem er bara gaman:) (AMK fyrir mig, veit ekki með hann)
Ég er búin að vera að snyrta heilmikið í vikunni. Kíkti í Garðabæinn til Ömmu og svo á spítalann til afa. Þannig að þessi vika hefur flogið áfram...og ný vika framundan.
Á morgun kemur nýr dagur......og þá munu Helga og Árni ganga inn kirkjugólfið á Eyrarbakkakirkju prúðbúin og elegant. Ég ætla að vera vitni af því þegar glóandi gullið verður sett upp á fingurnar og vonandi ásamt fleirum.
Ég er með þennan fína galakjól (kannski ekki alveg) sem Áslaug á og ég mun klæðast honum á morgun. Splæsti í hvíta ballerínuskó í Hagkaup og svo mun ég vera í jakka sem ég á hérna inní skáp (já þeir eru nokkrir ákv að bæta ekki við í þetta sinn)SVOOOOO kemur bara í ljós hvort ég fái inngöngu inn í kirkjuna eða ekki vegna klæðaburðs..... Búið að versla brúðargjöfina og allt að verða klárt.
Farin verður skot túr upp á Akranes á eftir. Hafliði Sævarsson er að fara á Hvanneyri (held ég) á skrall. Kannski verður tími til að kíkja á unglöbin á Höfða. Jón fer að vinna á eftir og ég er að hugsa um að setjast kannski að hjá Hrafnhildi skuttlu. Hún verður annars ekkert spurð að því!!!
Jæja best að reyna þrífa sig eitthvað og koma sér í föt það er víst kominn dagur:)

P.S. Ég hef ekkert heyrt í Þorvaldi lækni (SURPRISE). Hann er læknir einsog þið vitið og LÆKNAR hafa allan tímann í heiminum og og og og ég ætla ekki að tjá mig meira um lækna!!!!!!!

Snyrting-verðlisti

2005-08-11T22:12:00.000Z

Annað slagið er verið að byðja mig um verðlista yfir snyrtinguna sem ég bíð uppá. Hér kemur Verðlisti í öllu sínu veldi:)
Svo eru allir velkomnir að panta hjá mér, ég er með þessa fínu aðstöðu hérna í stofunni hjá mér.

Verðlisti

Sólhattur styrkir ónæmiskerfið

2005-08-09T13:31:00.000Z

Í gær meðan ég beið eftir að komast í Röntgen þá ráfaðist ég inní Lyf og heilsu sem er þarna á sama stað. Þar hlustaði ég með athygli á samtal viðskiptavinars og starfstúlku.

Viðskiptavinurinn var ungur maður ca 20 ára. Með ljóst hár niðrá herðar, hann klæddist grænni hettupeysu, svörtum útjöskuðum joggingbuxum og hvítum skóm. Hann var þar að auki mjög sjúskaður og lyktaði einsog skúnkur (hef ekki fundið lyktina af skúnk en þeir geta gefið frá sér miður vonda lykt)

Afgreiðslukonurnar voru 2 á miðjum aldri.

VV:"Hvað er þetta?"
SS: "Þetta er sólhattur"
VV: "Er hann ekki bara til í töfluformi??"
SS: "Nei, líka í fljótandi, einsog þú heldur á"
VV: "Hvað gerir sólhattur??"
SS: "Styrkir ónæmiskerfið"
VV: "Er þetta gott ef maður er með frjókornaofnæmi"?
SS: "Sólhattur styrkir ónæmiskerfið, en læknar ekki frjókornaofnæmi"
VV: "DEY ég ef ég tek inn sólhatt og er með ofnæmi fyrir honum?"
SS: "Ég get ekki svarað því"
VV: Ég spyr, ég ætla ekki að kaupa þetta ef ég dey á því að taka þetta"
(Ca hér þá voru konurnar orðnar ask....þreyttar á þessum rugludalli)
SS: "Þá skaltu bara sleppa því að taka þetta inn ef þú heldur að þú deyir"
VV: "Hvað á ég að taka mikið inn í einu og get ég tekið OF mikið (hræddur um að deyja)?"
SS: "Það eru leiðbeiningar á glasinu og dropateljari"
VV: "Hvar er dropateljarinn?"
SS: "Á glasinu"

Meira heyrði ég ekki af þessu samtali, þurfti að hverfa á braut vegna ógeð...lyktar sem lagði yfir búðina og örugglega nærliggjandi hús.
Ekki ólíklegt að hann hafi keypt sér 3 glös af sólhatt og sprautunálar:(

Mér var boðið á rúntinn í gærkvöldi á flottasta bílnum í bænum (samt ekki celican) og var komið við í ísbúðinni:)!!

Hef ekkert hugmyndaflug til að bulla hér.......þar til næst.............
Blesssssssss

Halda skaltu hvíldardaginn heilagann

2005-08-07T19:13:00.000Z

Það var mottó dagsins í dag og það gekk vel:) Enda lítið annað hægt að gera þegar "ofsaveður" gengur yfir höfuðborgina.
Röntgen á morgun og vonandi gleðifréttir nokkrum dögum síðar, BJARTSÝNI.

Ætla að skella inn nokkurum myndum frá austfjarðaferðinni miklu 22 júlí til 3 ágúst 2005.

Katla kanínubóndi

Veiðum sko enga hortitti í Fossánni:)

Eins og í flestum barnaafmælum var farið í leiki og afmælisbarnið fékk að byrja, 24. júlí.

Boðið var til veislu í tilefni dagsins, 27. júlí.

Amælisgjöfin í ár, Citizen Titanium úr.

Bea á leið undir fossinn inní Fossárdal

Varnargarðurinn

Hjónaleysin uppá snjóflóðavarnargarðinum fyrir ofan Neskaupsstað. Snjóaði lítið þennan dag!!!

Ég, Jón og Bea að borða pizzu í listigarðinum á Norðfirði. 20 stiga hiti og sól:)

Ég og Bea í góðum gír

Meistarastykki mitt í lopapeysuprjóni......takið eftir skónum:)

Hafið það gott
Kveðja Katla

Austursól punktur is

2005-08-03T20:06:00.000Z

Sólarlandaferðir hvað?? Aldrei þessu vant þá var Mallorka veður allan tímann sem ég dvaldi á austurlandinu góða.
Ég hef semsagt lítið sem ekkert farið í tölvu síðustu 10 daga, já heila 10 daga!! Þið hafið vonandi ekki saknað mín mikið, ef svo hefur verið þá er mér bara alveg sama:)
Ég afrekaði að klára prjóna lopapeysuna og nú vantar bara að sauma einn rennilás á hana og þá er hún reddy til notkunnar (vantar sjálfboðaliða í rennilásasaumaskap). Ég fékk svo góðann félagsskap í prjónaskapnum á Fossárdal, þar var stofnuð prjónastofan SÓLIN. Setið var úti í sólinni og prjónað og prjónað.
Við hjónakornin vorum dugleg að veiða okkur til matar, við veiddum 40-50 silunga. Það er ekkert betra á grillið heldur en ný veiddur silungur.
Farin var rúntur á Neistaflug á sunnudaginn. Með í för var Beatrix Möller heimasæta frá Fossárdal. Heimsóttum við Kolfinnu og Ása ásamt því að vera viðstödd brekkusöng og flugeldasýningu sem var bara nokkuð flott. Ekki þarf að minnast á veðrið, það var einsog best getur orðið hér. Þetta var hin ágætasta ferð.
Held að ég sé núna búin að telja upp það helsta sem var gert á austurlandinu fyrir utan eina dala ferð og heimsókn á Breiðdalvík city.
Þetta er fyrsta verslóhelgin síðan 2000 sem ég/við erum ekki stödd í Herjólafsdal, ekkert janfast á brekkusönginn á sunnudagskvöldinu:)En rigningin er ekki jafn skemmtileg:( Aldrei að vita að maður verði staddur þar að ári liðnu!!! Vill einhver koma með?????????????????????????????????????????????????????????? HAAAAAAAAAAAAAAAAAAAAAAAAAAAAAAAAAAAAAAAAAAA

Þegar komið var í bæinn í gærkveldi þá gat Katla ekki farið heim til sín fyrr en hún var búin að sækja PUMA skóna sem Áslaug keypti í Tékkó. Þetta eru þeir flottustu í bænum, að sjálfsögðu:) Vildi bara deila þessu með ykkur, ykkur hlítur að líða betur að vita það að Katla er loks búin að eignast PUMA skó!!

Ég er ekki komin í bloggírinn aftur.
Vona að sá gír finnist von bráðar.

Bestu kveðjur
Katla PUMA skó eigandi með meiru......

..leggur ekkert inn tekur bara út..

2005-07-21T22:48:00.000Z

Já mín er búin að vera ask...dugleg í búðum þessa síðustu og bestu daga. Þetta er allt sólinni að þakka hún gefur manni aukinn kraft til að fræmkvæma svona ódæðisverk.
Fyrir utan íbúðarkaupin er búið að fjárfesta í nærfötum (nóg af þeim) get farið að henda tja...nokkra ára gömlum úr skúffunni og tala nú ekki um vel slitnum, boli svona til að hafa tilbreytingu við rauðu NIKE smellubuxurnar EÐA svörtu NIKE smelli buxurnar;) hvað fleira...já eina voða sæta nælu/lyklakippa auðvitað fiðrildi alveg nauðsynlegt!! Þetta var ALLT saman á 30,40 eða 60% aflætti (bara keypt meira fyrir vikið)!!!
En þetta hefur allt tekið enda því stefnan er sett austur á land TO MORROW MORNING (kl. 14, 15 eða 16)!!! Þetta stendur allt og fellur hvenær Kristján Björnsson er búinn í sinni vinnu. Ég er semsagt að fara með Grana ehf "skrjóð" austur á land og Jón kemur svo eftir helgi.

Veðrið er búið að vera rosalega gott einsog það gerist best á þessu litla skeri okkar. Ég og Jón erum búin að kíkja í Laugardalinn, kaupa ís og sonnna ýmislegt til að njóta veðurblíðunnar. Við fórum t.d. skemmtilega ferð í Garðheima í gær til að kaupa 25 kg af ÞÖRUNGARMJÖLI fyrir Öldu Jóns. Það er svosem ekki frásögufærandi en ég mæli með því að fólk geymi þennan óþvera EKKI lengur en 7 klst í bílnum sínum (eða bara seti ekki þetta inní bílinn)....því minn eðal bíll angar af einhverri dularfullri ógeð...lykt.. En það er alltí lagi ég er búin að redda mér fari með Grana "skrjóð"!! jebbb...ég hef alltaf verið talin mjög skynsöm stúlka...enda aldrei að vita að þessi óþvera lykt geti farið illa með öndunar og lyktarskynfæri líkamans!!

Hrafnhildur hefur svo verið dugleg að taka stóru mágkonu sína og bestu vinkonu (er það ekki satt HE) með í hinar skemmtilegustu (Óvissu)ferðir hingað og þangað um bæinn. Fórum t.d. í Nauthólsvíkina í dag/kvöld. Takamarkið með þeirri ferð var að fá sem mestann og bestan lit á húðina...veit nú ekki hvort árangurinn var einsog ætlast var til.
Það myndaðist smá spenna hjá nokkrum börnum sem voru að svamli í víkinni þegar einn vitringurinn kallar "það er kúkur hérna" svo fór einn að kanna málið og komst að því að þetta væri steinn en þá kallar vitringurinn "steinar fljóta ekki þetta er kúkur" Þetta mál var svo látið niðurfalla og þessir tveir ungu menn fóru til annarra verka!! Ekki veit ég hvort þetta var kúkur eða steinn:)

Svona í lokin ætla ég að minna á 2 ofsalega mikið merkileg afmæli sem eru núna á næstu dögum.
Hrafnhildur á afmæli á sunnudag og Jón hennar ekta bróðir og minn ekta kærasti á afmæli á miðvikudag:) Veivei húrra húrra fyrir þessu gammmmmllllla liði..hehehe ég á enþá langt í land til að toppa aldur þeirra:)

Bæ
Katla

Formlegir.....

2005-07-18T19:56:00.000Z

...hér með lýsi ég okkur formlegum íbúðareigendum...húrra, húrra, húrra, fyrir mér og Jóni!!
Í dag við skunduðum á fund fasteignasala okkar (Kári og frú) og Bærings seljandann á íbúðinni. Fundurinn var stuttur í þetta sinn en þau náðu að blokka hverja einustu krónu af okkkur sem við áttum og áttum ekki. Uppi setjum við með eitt stk íbúð og einhverja pappíra og skjöl.
Þetta var svona aðal góðverk dagsins.
Önnur góðverk sem mætti nefna að ég skvetti smá vatni á blómin sem eru/voru við það að deyja hérna útá svölum. EF blómin deyja ætla ég að kenna Hrafnhildi um það. SKO, hún opnaði svalahurðarnar í gærkvöldi og hleypti inn þessari HLUSSU flugu inná svalirnar og ég bara treysti mér varla til að fara útá svalir með þessi "DROTTNING" hangir á blómunum. Ég þarf að mana mig upp í aðra ferð til að vökva.
Á morgun ætla ég að heimsækja Hafdísi klippikonu. Ég er nokkurnvegin búin að ákv hvað ég ætla að biðja hana um að gera við hausinn á mér, það verður spennó að sjá útkomuna.
Elsku besta sólin ætlar að vera hjá okkur hérna í RVK þessa vikuna og svo ætlar hún að færa sig á asuturlandið í næst viku:) Ég stóð í samninga viðræðum við Sigga Storm og þetta lítur allt vel út.
Því miður fyrir ykkur eyja fara þetta árið mun hún (þið vitið gula flikkið þarna uppi) EKKI ylja ykkur í Herjólfsdal en aftur á móti mun Leoncie (svarta,gula eða hvernig sem hún er á litinn og býr í Sandgerði) ylja ykkur um hjartarætur með söng og dans...hehehe segi nú bara "Lífið er yndislegt"

En annars er allt við sama heygarðshornið hér á bæ..... fætinum líður best þegar hann fær pensilínnærinug.

..og að lokum vil ég þakka Kristjáni KOKK og Hrafnhildi snúð fyrir matinn í gær, hann var mjög mjög góður meira að segja ótrúlega góður!!! Þau gerðu sig lítið fyrir og elduðu í þessu magnaða eldhúsi hérna í Arahólum, þar gerast sko kraftaverkin!!

Bæ elskurnar og það er alltí lagi þó þið kvittið í gestó eða commenntið. Ykkur verður það alveg fyrirgefið:)
Katla ÍBÚÐAREIGANDI með meiru

helst í fréttum.....

12 einfaldar reglur

Frí, frí, frí, frí

Blogg hvað?

Gelðilega páska

Vonandi fá allir páskaegg. Ég keypti mér Hrísegg frá Freyju:) Mikil tilhlökkun hjá minni. Hafið það sem allra best yfir páskana. Munið að bursta vel eftir allt súkkulaði átið.Páskakanínurnar sem búa á Fossárdal

Afmæli og speki

Upprennandi evrovisionstjarna

7 ára snillingur

Hver vinnur EF hún vinnur ekki?

Smelltu hér til að hlusta á mesta og besta snilling Íslands!!

Páll Óskar hvað???

LONDON

Símahrekkur:)

Smelltu hér til að hlusta

Á ferð og flugi

Glasgow

TIL HAMINGJU ÍSLAND

Áfram Katla

Jæja þá er komið gott af Silvíu Nótt, Í BILI. Hér er mynd af afrakstrinum á glernámskeiðinu. Ég tek niður pantanir hérna í comment dálknum:)

Smelltu hér til að horfa á SILVÍU NÓTT "tremma í hel" í Eurovision

TIL HAMINGJU ÍSLAND

ÁFRAM SILVÍA

AFMÆLI!!!

Vissuð þið þetta?

Seint er betra en aldrei!!

Vetur á Íslandi

Svona á þetta að vera snjór, kuldi og logn:)Ég ætla samt að láta allar vetraríþróttir eiga sig þennan veturinn.....

EITT ÁR......

...er í dag síðan að fóturinn var sagaður í sundur á FSA. Já, þetta er fljótt að líða:)Kveðja Katla

Árið líður......

....og líður áfram. Ég hef ekkert að segja nema allt ljómandi ljómandi gott.Skellti einni jólmynd af barnastóðinu sem var á Starmýri um jólin 2005:) Sumir eru með myndavélabrosið á hreinu!!!

Litið um öxl

2006

GLEÐILEGT NÝTT ÁR OG TAKK FYRIR SAMVERUNA Á ÁRINU 2005 OG VONA AÐ ÁRIÐ 2006 VERÐI EN SKEMMTILEGRA

Stjörnuspá 2006

Gleðileg jól allir......

Ég óska þér lesandi góður gleðilegra jóla og takk fyrir heimsóknirnar hingað á síðuna á árinu.Vona að þessar heimsóknir hafi verið þér gleðilegar og skemmtilegar.Vertu ávalt velkomin í heimsókn hingað.Bestu jóla og nýárskveðjur Katla Björk

Búin......

...að skrifa á ÖLL jólakrotin þetta árið

Útskrifuð.....

Jólin koma brátt

Ungfrú heimur 2005

IDOL

STÓRafmæli

Hæ hó

Afmæli

Spádómskertið tendrað

Myndagetraun

SNILLD

Örstutt....

Komin í helgarfrí:)

1 árs afmælisblog

Blog og aftur blog

Austurferð

Afmæli

Hugtök í FJÁRmálaheiminum

Að bera fé:

Aflafé:

Áhættufé:

Eigið fé:

Fégirnd:

Fégræðgi:

Féhirðir:

Félag:

Félagi:

Félegur:

Féleysi:

Fjárdráttur:

Fjárhagur:

Fjárhirslur:

Fjárlög:

Fjármagn:

Fjármál:

Fjármálaráðherra:

Fjármunir:

Fjárnám:

Fjárplógsstarfsemi:

Fjársöfnun:

Fjárútlát:

Vonandi fá allir páskaegg. Ég keypti mér Hrísegg frá Freyju:) Mikil tilhlökkun hjá minni. Hafið það sem allra best yfir páskana. Munið að bursta vel eftir allt súkkulaði átið.

Páskakanínurnar sem búa á Fossárdal

Jæja þá er komið gott af Silvíu Nótt, Í BILI.
Hér er mynd af afrakstrinum á glernámskeiðinu. Ég tek niður pantanir hérna í comment dálknum:)

Svona á þetta að vera snjór, kuldi og logn:)
Ég ætla samt að láta allar vetraríþróttir eiga sig þennan veturinn.....

...er í dag síðan að fóturinn var sagaður í sundur á FSA. Já, þetta er fljótt að líða:)
Kveðja Katla

....og líður áfram. Ég hef ekkert að segja nema allt ljómandi ljómandi gott.

Skellti einni jólmynd af barnastóðinu sem var á Starmýri um jólin 2005:) Sumir eru með myndavélabrosið á hreinu!!!

Ég óska þér lesandi góður gleðilegra jóla og takk fyrir heimsóknirnar hingað á síðuna á árinu.
Vona að þessar heimsóknir hafi verið þér gleðilegar og skemmtilegar.

Vertu ávalt velkomin í heimsókn hingað.

Bestu jóla og nýárskveðjur
Katla Björk